【終於有得整】DIY自己樣自己味道杯麵

Foodfie煮播室就在Okashi Galleria登場，小編就已經率先去咗試整，其實做法相當簡單，只要跟住步驟做，就自然做到美味又個人化的杯麵，而且更適合父母與子女齊齊參加，好好玩。

首先可以在電腦揀選相製作的杯麵設計，然後可以選即時拍照或上傳相片，如果想上傳相片，就要先連接店內的Wifi，再透過QR Code連繫網站，便可從手機揀選所需的相片，加至設計之中，完成之後就可以變成貼紙列印出來。

然後就可以製作杯麵啦！首先去到巨型轉動食物機前面，選擇整麵餅或是糖果，依小編之見，就覺得當然製作杯麵會開心啲啦！記得揀完麵之後，要大力少少轉動機器，將麵餅傳送給工作人員。

工作人員便會取出麵碗，以打氣方式清除塵埃，接著放入麵餅，你就可以開始加入共5款的材料，小編試整當日就有9款配料及4種調味包可供選擇，最特別的調味包都應該是蘿蔔牛腩味，但小編就無膽量試，做了一個珍味燉雞味的杯麵。

完成之後，工作人員便會為杯麵封口，以及在底部加上食用期限貼紙，由於杯麵無加防腐劑，所以食用期約只有一個月，大家整完之後記得快啲食呀！

跟手裝飾杯麵的貼紙亦已完成，大家就可以為杯麵加上個人化元素，貼番自己個樣上去啦！不過，小編覺得呢個是最難的一步，尤其是貼圓形外圍，因為稍一不慎就會貼到歪歪斜斜，又或者有水泡，所以家長同子女都係要慢慢貼為妙。

小編玩過之後，都覺得幾新鮮好玩，而且今個8月仲有優惠，大家都可以趁住暑假尾，玩多一個特別嘅活動，為暑假留下美好回憶！

8月優惠：

由即日至31日親臨Okashi Galleria，只要符合以下任何條件，即可免費參與Foodfie創意杯裝產品工作坊1次(價值HK$98)*(名額有限)，共度不一樣的開心暑假！

參加免費工作坊條件：

1. 8月生日

2. 於2016年8月考獲車牌

3. 8月為結婚紀念日#

4. 於2015至2016年度考獲頭3名(任何學術成績或比賽)

另外，只要由即日起至8月31日，於店內購物滿$300，都可以免費參加創意杯麵裝產工作坊一次架！

創意杯裝產品工作坊

製作產品：麵或糖果

價錢：$98

時段：11:00am-8:30pm

查詢：2797 9967