【全場10蚊起】Toonsland童裝及嬰兒服飾開倉

小朋友大得快！上個學年果對學生皮鞋多數都唔啱著架喇，仲有返學用嘅白色底衫呢，買咗未？如果未呢，今次呢個Toonsland童裝及嬰兒服飾開倉就一定要去喇，因為學生皮鞋$30一對咋！返學著嘅底衫同底褲仔$10一件添咋！

開倉首日未夠10:30pm已經有家長帶同小朋友到場排隊。

夏天衫有，冬天厚褸又有。迪士尼公主系列嘅厚褸係好多媽媽嘅目標貨品。

學生返學鞋，$30一對！

女童得意鞋仔、毛毛靴，各$30。

stride rite幼童鞋仔就貴少少，$100一對，但靚喎！

超Colorful  布鞋同可放入洗衣機洗嘅stride rite女童波鞋，各$100。

白色底衫同底褲仔，全部10蚊件，唔好睇佢一堆衫咁平平無奇，好多家長大堆大堆咁掃架！ 

今次Toosland開倉貨品包括有嬰兒及童裝服飾，另有兒童鞋類、配件類如帽、皮帶、頸巾及公仔襪等。品牌有芝麻街、Bob Builder、Thomas & Friends、迪士尼公主系列及Winnie the pooh等。唔走可愛路線的話，仲有ELLE同BENETTON呢兩個設計比較簡約嘅童裝品牌選擇。

$50三件配件任揀，有頸巾、袋、帽、皮帶同太陽眼鏡。

禮盒裝鞋仔，送禮自用皆宜。

初生嬰兒衣物禮盒全部2折！最貴果盒$569(2折後$113.8)

10蚊兩對靚料公仔襪！

現場啲太太一見啱SIZE就面不改容咁掃入個籃度。

BENETTON衫仔款式比較斯文簡約，原價幾百，特價幾十！

BENETTON格仔褲又係原價幾百，特價幾十蚊！

ELLE公仔款厚褸兩色選擇，原價$939，特價$110一件。

Bob Builder厚褸又係原價$939，特價$110。

ELLE黑色厚褸真身其實好型，係我影得衰，有分SIZE。都係原價$939，特價$110。

粉紅色公主袖冷外套最啱秋涼時候著，原價$449，特價$60。

呢件Winnie the Pooh有Lace邊，好靚架，原價$379，特價$50。

Thomas冷衫仔都係幾十蚊貨仔，著起都好醒目架。

個個都身手好敏捷咁掃衫，完美展現「為母則強」嘅氣勢！

爸爸、大肚媽媽都一籃二籃咁掃衫，好強勁！

好喇！由於記者個小朋友仲未返學，所以皮鞋呀、底衫底褲同公仔襪呢類配件雖然超平超抵買，但我都忍手無買。最後只係買咗一件原價$939，現開倉價$110嘅ELLE厚褸，都幾好睇架！質地仲好好添！提提大家，到場後要尋寶，真係要花少少耐性同時間逐件摷，有好多新衫仔同褲仔都未拆袋，慢慢搵不難發現到靚貨！

Toonsland童裝及嬰兒服飾開倉

地址：荔枝角青山道489-491號香港工業中心A座8樓2室(荔枝角地鐵站C出口)

日期：18/8至26/9

時間：10:30am至19:30pm(星期日及公眾假期休息)