【甘寧老師】從大火竄出來的牛鬼蛇神

大火發生後，令到我地明白應該珍惜眼前人，去多幾次旅行。有時我懷疑公關部門都係古巨基FANS，總喜歡「重複犯錯」，仲要犯埋d低智能錯誤，令我不其然想問一句，EGL請唔請人，我可以！

今日我打算免費為一班後生仔上堂，後生仔成日話政府乜乜物物，自己廢搵唔到食係到賴三賴四，香港其實處處都有商機，睇你把唔把握到機會！

1.利用同情心

EGL教識大家珍惜眼前人，依家就要學下咩叫雪中送碳，字裹行間完全體會到佢對同袍嘅關愛。652-110073-292已經唔係一個單單的銀行戶口號碼，已經昇華去令一個境界，係一串拯救生命嘅代碼。嗱，講明先，個戶口假o架，自己唔睇字捐左唔好返嚟搵我！

2.增加自己曝光率，領取光環

後生仔一定要勇於表現自己，每個人都係自己嘅公關，多d打卡關心身邊嘅人同事，對自己事業無往而不利！老細唔會知你做左d咩，你要積極咁比你老細睇到你實際做左d咩。

下次係公司ot不妨大聲講句「好多野做啊，等我ot搞掂佢先」然後拍卡，再返埋位ot，再補多句「哎啊！我拍左卡添，但係唔緊要啦，鬼叫d野要做咩！」呢個時候你係老細心目中嘅地位就會從小員工變成小奴工，距離升職加薪又邁進左一大步，汪汪！

圖片:網絡