【唔用公司雪櫃】私家儲存母乳夠衛生

其實對於很多在職母乳媽媽，要在公司找地方泵奶、在公司的雪櫃儲存人奶，仍有很多不便。Hody Ma不時都在自己的母乳媽媽群組內聽到其他媽媽訴苦被同事歧視。

今次就同大家探討一下在公司冷凍儲存母乳問題，公司雪櫃一般都擺滿同事們的飯盒，就來粗略估計一下吧！假設你公司每日大約有10個同事帶飯盒回公司叮飯，咁公司個雪櫃門就每日最少都會開廿次(開一次擺入去、開一次拎出黎)，還未計其他同事有機會擺放飲品之類。試想像一下，一個使用量咁密的公司雪櫃，會唔會因為經常開門而唔夠凍呢？入面會唔會有過期食品；又有咁多人擺放唔同嘅飯盒入去，衛生情況受唔受控呢？將珍貴嘅母乳放在人家的飯盒旁，你放心嘛？

天氣咁熱，如果不想將母乳儲放在公司雪櫃，或者公司根本沒有提供雪櫃可以使用，其實你仲可以考慮一下購買迷你雪櫃。夏天已到，坊間已陸續推出很多迷你雪櫃，可以放在車用、也可以擺放在公司，且有不同的外形選擇。將迷你雪櫃放在自己的座位內，用以存放母乳，不用擔心衛生問題，機仔細細，夠私隱又安全。好多母乳媽媽都推介！

呢類迷你雪櫃有平有貴，要外形得意有趣的日本卡通款，可以貴至幾千蚊，想平平地，去淘寶百幾二百蚊貨仔亦有選擇。但要留意，有些來自日本或是國內的迷你雪櫃，在香港使用時須要自行加裝變壓器，選購時要先問清楚其電壓是否在香港適用。另選購時要問清楚雪櫃的最低溫度，不同型號的小雪櫃溫度或有差異。如果真係擔心唔夠凍，小Tips是可以將平日外出攜帶的冰種同放在雪櫃內，以保持適合儲存母乳的低溫度。