【英文本色】連「移民」嘅英文都講錯 - 魏徵

Business Insider 指出嗰二十個文法錯誤，有好多，香港人其實唔會犯，因為有啲俚語香港人直情唔會講。例如，whet your appetite、sleight of hand、bated breath 等，有外國人會講成 wet your appetite、slight of hand、baited breath，是錯的。不過我都話，呢啲英文香港人根本唔會講，所以其他人點錯都唔關事。但以下幾個，有些香港人經常用又經常錯，要注意。

第一個是 first-come，first-serve。正確的講法是 first-come，first-served。這句話要表達的是，先來的，就會先被招待，所以 served 一定要有 d，意思是 the first who comes will be served。如果你說 first-come，first-serve，就是先來的，就要先去招待人，點會 make sense？

第二個是 I could care less。正確的講法是 I couldn’t care less。你同我講，Sue 同 Peter 有路，我話 I couldn’t care less，即是「我不能關心更少」，意即我一點也不在乎。如果你說 I could care less，即是說「我可以關心更少」，言下之意，豈不是說自己「關心太多」，好管閒事？

最後一個是 emigrate，呢個真係要小心。十個香港人九個講錯「移民」嘅英文，Business Insider 話，with this one there is no debate，即係呢個唔使拗，一定係 Business Insider 啱。

好，先睇吓你自己會唔會講錯。

Peter 上年移民去澳洲。英文你會點講？Peter emigrated to Australia last year？錯了。

記住，emigrate 後面，只可以跟著 from 這個 preposition。Emigrate 的意思是「從某個地方來」，所以如果你從香港移民去澳洲，可以講 I emigrated from Hong Kong to Australia，但千千萬萬不要說 I emigrated to Australia from Hong Kong。

移民到某地，應該用 immigrate 這個字。Peter 上年移民去澳洲，英文係 Peter immigrated to Australia last year。當然，你可以講埋從邊個地方移民過去，寫成 Peter immigrated to Australia from Hong Kong last year。總之記住，emigrate 就要跟 from，immigrate 就要跟 to。