古天樂52歲生日公開小朋友來信問：可以同你飲茶嗎？獲古生親自回電

影帝古天樂（古仔）早前52歲生日，他在社交網再度重提早前的報道一事，令自己提早收到好多祝福同問候，除寫上生日感受，更分享一封來自小朋友的粉絲信，他更親自電話回覆︰「好開心喺繁忙嘅工作期間，同妳以及妳屋企人傾咗個短短嘅電話。」

 古天樂在21日踏入52歲，他在生日貼文中重提日前由台灣傳媒誤傳的「神經全壞死」新聞，並指︰「感恩有咁多人關心我嘅健康，我都趁我生日，祝福返大家都要身體健康，開開心心！」

他指在生日是全年難得會完全放低工作的一日，並跟家人食飯再影張全家幅，更指：「平淡是福。」

在貼文中更附上一封小朋友粉絲的親筆來信，信上畫上他在《明日戰記》中飾演的泰來，如何擊敗張家輝飾演的「天幕哥」。他收到後更親自回電：「蘇小朋友寄俾我嘅手寫信俾大家睇下， 好開心喺繁忙嘅工作期間，同妳以及妳屋企人傾咗個短短嘅電話，令我可以暫時放鬆，記得要孝順父母同外婆呀！（同埋要支持阿仙奴）」