陳柏宇太太經歷兩度失胎後成功懷孕　符曉薇：只希望妹妹健康平安出世

陳柏宇的太太符曉薇（Leanne）曾經歷兩度失胎，繼宮外孕導致流產後，又因患有愛德華氏症而需忍痛人工流產，一年內承受兩次失去胎兒，以致她沒有勇氣再懷孕。日前傳來好消息，Leanne於社交平台報喜：「今年估唔到上天送左(咗)份禮物比我地，感恩我可以再次懷孕」！

陳柏宇與太太符曉薇（Leanne）婚後育有一名4歲女兒陳羿辰（Abigail），2020年發生宮外孕導致流產後，又再次因患有愛德華氏症而需接受人工流產，一年內兩度失去兩胎，令她傷痛的同時，也令她沒有勇氣再懷孕。日前她在個人社交平台分享多張與老公、女兒拿著超聲波相的合照，分享再次懷孕的喜悅。

Leanne：只希望妹妹健康平安出世

「我同自己講無勇氣再懷孕，今年估唔到上天送左(咗)份禮物比我地(哋)，感恩我可以再次懷孕，每日都抱住擔憂同感恩嘅心情，得來不易嘅禮物，只希望妹妹健康平安出世，我知道好多人都估到，你哋inbox留言問我係咪有左(咗)，我都好想同大家分享，不過上兩次經歷對我有好大陰影，所以我無正面回答大家，但係個肚大得太快，今日就同大家分享哩(呢)份喜悅，我會同妹妹一齊加油，仲有一樣野(嘢)同大家分享，就係我同EE竟然同時懷孕，到時標姐有兩個妹妹要照顧。」

囡囡： 我要做姐姐啦

至於再度榮升爸爸的陳柏宇，也有發帖文公布喜訊，不過只留下emoji簡單交待。而囡囡的IG就發布了一張Abi拿著超的聲波相，並留言：「我要做姐姐啦」。圈中一班好朋友謝安琪、林奕匡、林欣彤、馮允謙、余香凝等也紛紛留言恭喜。