元元做功課寫「下」字變F　媽媽慨嘆：無語問蒼天

李璨琛囡囡李元元（Lucy）精靈可愛，一直深得人心，IG粉絲多達38萬人。現時就讀聖瑪加利大幼稚園K2的她，近日開始寫數字及中文字，但媽媽指看到她的功課指「無希望」，更指：「佢都清楚記得當時自己有幾咁hea做。」

元元媽媽最近在IG分享女兒的功課，她寫中文字「下」，只見她頭四行有媽媽陪伴在則時，寫得相當整齊，但當媽媽離開由她自己寫，因此第五行開始就變成「F 」及「不」字，媽媽也笑指：「再寫落去應該會變咗個”不”字，個下字越寫越向下！」Coffee也回應：「教小朋友寫字簡直就係『考驗阿媽耐性挑戰』」

其後元元媽媽再分享女兒寫數字「4」的功課，被老師圈了錯的地方，媽媽說：「去到做功課完全係老母人生嘅另一個階段。」她更指：「我唔滿意呀因為我知道李元元佢hea我，佢尷尬嘅微笑係因為佢都清楚記得當時自己有幾咁hea做。」不少網友也安慰元元媽媽，Coffee亦有留言：「佢寫得咁好你竟然仲唔滿足⋯⋯⋯⋯你一定冇見過我個仔嗰啲令人血脈沸騰既4字。」另外亦有網友留言：「小朋友寫字好好啦！比啲信心佢，一定寫得再好啲！」