洪永城內地拍劇3個月回港　女兒以為陌生叔叔一見即爆喊

洪永城（Tony）和梁諾妍（Inez）去年結婚，同年12月誕下女兒「洪寶寶」Amber，兩夫婦經常在IG貼出Amber的生活照，Amber似足爸爸，非常可愛！早前洪永城要到內地工作3個月，因為太掛住囡囡，他每晚要狂loop Amber的相，更不時FaceTime囡囡。近日他終於完成工作回港，滿心期待回家見女兒，怎料Amber一見他即爆喊，令他非常傷心！

早前洪永城在內地為新劇《香港人在北京》開工，因而要離家3個月，他接受訪問時指：「要離開太太（Inez）同囡囡3個月當然唔捨得，惟有靠每日視像見面，不想錯過她的成長，晚晚都狂loop囡囡的相片！」

近日他終於回港，太太Inez在IG分享洪永城回家的影片，當他踏入家門即想抱囡囡，可惜Amber一見他即相當害怕，不久更大哭起來，Inez在旁大笑，更指女兒平日見陌生人也不會哭，她指：「爸爸？古怪叔叔？洪寶傻傻分不清，期待了呢個畫面好耐，3個月後終於見返，究竟係(想念)爸爸想到哭定係洪寶認唔出到哭？睇片睇真相，最後仲話自己要扮外國人做咩事！」

她指洪永城一見到Amber眼有淚光：「一定想念到哭啦！」好友陳敏之也留言：「真係好似好陌生，陰公豬！」