玩具收納｜文件櫃變身多層收納停車場　簡易方便唔使$100搞掂

小朋友玩具太多，要分類整理及收納實在是一大學問，有媽媽為了將兒子的玩具車收納整齊又易搵，想到用數十元的文件櫃，加點創意變身成多層收納停車場，不但可以將玩具車整理好，更可讓兒子邊玩邊學收納，相當實用。

 （圖片由「3隻黐媽b的生活日常」facebook專頁授權）

 Facebook專頁「3隻黐媽b的生活日常」的寶仔媽近日分享為兒子DIY的多層收納停車場，她指：「唔知大家嘅小朋友係咪都係車迷？然後爸爸媽媽又係購物狂⋯寶仔啲車嘅數量已經超過一百架，太多車就咁擺喺儲物盒，佢想搵某架但好難搵，就倒晒成盒車出嚟一地都係⋯之前整嘅紙皮停車場，好玩係好玩，但係擺得好少車。用咗呢個收納櫃，拉櫃桶出嚟啲車就一目了然喇！仲用黑色卡紙同埋停車位貼紙，幫佢整咗啲車位，增強佢將車車擺回原位嘅動機。」

她續指：「如果按車位計每層擺到10架車，唔按車位擺嘅話擺多好多，我呢個櫃擺滿車位就擺到六十架車喇！有啲大架嘅車擺唔到，要買多幾層厚款嘅櫃桶加落去至得！收納櫃、黑色卡紙、貼紙都係淘寶買嘅！」

 她接受訪問時指收納盒花費82元人民幣，有薄款同厚款、多層選擇，而停車盒貼紙則6.3元人民幣，合共不用100元港幣，這個收納方法簡易又方便，小朋友必定喜歡。