【親子食好啲】暑假食泰菜開胃醒神　65折食五星酒店buffet

泰國是港人熱門旅遊地，冇得旅行，好多港人都懷念地道泰菜。最近尖沙咀五星級酒店餐廳推出泰菜主題自助餐，仲擺設一系列傳統泰國裝飾擺設，充滿泰國風情，而且於早一日網上預訂並繳付全費，可享65折優惠，每位大人埋單近$400，十分抵食。

皇家太平洋酒店柏景餐廳7月起推出全新自助餐主題「泰 • 尋味之旅」自助餐，大家唔使出國都能感受異國風情。

先講沙律區，多款醒胃可口的前菜包括泰式青木瓜沙律、甜酸鳳爪、八爪魚沙律，酸辣惹味。喜愛湯品的，唔好錯過泰式椰子雞湯，椰子香氣撲鼻，清甜可口。

泰式熱盤方面，有泰式炒海鮮*、辣椒炒龍蝦鉗、鹽焗鱸魚*、青咖哩雞配烤餅、燒豬頸肉配糯米飯*、香茅燒雞、泰式炸魚餅及蝦餅等，一家人來的話，一定滿足大人小朋友不同口味。近年大熱的泰式船麵，由廚師即席烹調，配料選擇有鮮蝦、雞肉、豬肉丸、泰式牛丸及魚蛋，麵底可選油麵、米粉或金邊粉，再自選豬骨或冬蔭功湯底*。

 椰子雞湯

燒豬頸肉配糯米飯

辣椒炒龍蝦鉗

甜品係媽媽最愛，自助餐提供泰式甜品，包括椰汁西米糕、椰青大菜糕、班蘭千層糕、泰式奶茶凍、香芒椰皇西米露、芒果糯米飯*等，為這趟嚐味之旅完美作結。

芒果糯米飯

泰式甜品

*只限晚餐時段供應

此外，自助餐亦備有一系列健怡沙律、日式刺身壽司、冰鎮海鮮、燒烤美饌、亞洲風味美食、即製麵食、中式點心及精緻甜品等，任君選擇，怕辣屋企人唔怕冇得食。

4大著數一覽

1. 訂座優惠：於最少一日前網上預訂並繳付全費可享高達65折優惠。網上訂座：https://bit.ly/cafe-thai-buffet-reservations

2. 生日之星禮遇：於生日月份內惠顧自助午餐、悠長週末自助午餐或自助晚餐，即可享免費生日蛋糕乙個。

3. 泊車禮遇：惠顧滿$400可享最多2小時於中港城免費泊車優惠。

4. 想以冰爽的飲品或美酒配搭惹味泰菜，每位只需另加$68便可無限暢飲泰象啤酒、勝師啤酒或智利紅白酒。

自助餐詳情:

菜式每天輪流供應，部分菜式只於晚餐時段供應; 所有價目另收取以原價計算之加一服務費。

8折訂3D榴槤飄香蛋糕

此外，夏天是果王榴槤當造的季節，酒店糕餅師造型逼真的3D榴槤飄香蛋糕，表面滿滿的榴槤釘是逐一唧上的綠色忌廉，內層以榴槤果肉、榴槤吉士忌廉及海綿蛋糕層層相間，每一口都充滿榴槤香，必能滿足一眾榴槤迷。

訂購日期: 2021年7月1日至9月30日

換領日期: 2021年7月3日至10月2日，上午8時至下午6時

網上訂購: https://bit.ly/2021-3D-durian-cake-order