
【史高治叔叔】唔覺意整花環聯record你就知煩
之前同朋友傾開偈,佢話:「乜宜家出張信用卡都咁困難,明明係銀行職員邀請我申請多一張卡,交哂資料啦,之後又唔批俾我,玩嘢咩?」
「咦,你有無check吓TU呀?」
「環聯信貸報告?唔使呀?我都無借錢唔還,個record一定好靚啦。」
「嗯,八卦睇吓又無妨嘅,可能會搵到銀行唔批信用卡俾你個原因呢,宜家拎個報告,好似都係二、三百蚊啫。」
過咗一排,個朋友搵返史高治傾。
「我check咗TU啦,撞鬼佢呀,原來我以前遲咗一、兩日交卡數,佢咁都記住我呀!我明明打返電話去銀行waive咗late charge架啦。」
「係架,好似好細微嘅事,其實都係會留咗個record,影響個評分架。仲有其他情況都有可能影響個信貸評分架,例如短期內有太多信貸申請,又例如因為得一張卡而令到個信貸額得好少,而搞到個使用率就會相對高咗。」
「之前真係無諗過會咁。」
係架,好多人都無諗過,批唔到信用卡都算小事,萬一要去申請貸款或者買樓要做按揭,到時先發現個record花哂就大件事啦。
史高治之前都差啲老貓燒鬚,話說之前申請咗張DBS卡,不過用落又唔覺得佢啲優惠吸引,所以好少用,好耐都無數要找,後嚟有一次心血來潮望一望,嘩,要收二千蚊年費,仲有一日就到期!差啲就整花個信貸記錄!快快脆打去銀行叫佢waive。一打電話,都幾搞笑,唔使搵職員,直接有個選項俾你waive年費,撳幾個掣就搞掂。題外話,明明只要個客想waive,咁簡單就可以免年費,咁點解唔一早幫啲客waive咗佢?史高治有啲壞心腸咁諗,其實係咪想搏有啲客set咗autopay又唔理條數,就乖乖地交成兩千蚊年費,年年二千,當有全港有五千個客唔覺意俾人收咗年費,咁一年就收咗一千萬啦,都幾和味!
講返TU,如果曾經問銀行或者財務公司借過錢,就算個客已經還哂錢,如果無申請opt out自己啲資料,銀行或許財務公司可以繼續review個客嘅TU資料,之後tailor-made貸款package去sell個客。如果唔想成日俾人sell,都係要留意。
宜家一開電視,就見到好多貸款廣告,講到借錢好容易,其實到時又係check返申請人個TU,所以大家都要注意TU係咩嚟,同埋知道TU都係幾重要。不過,史高治都發現好多朋友唔太了解,都係嗰幾句啦,如果有小朋友,就要趁佢哋細細個開始,就要教佢哋理財,最基本就係要有儲蓄同債務概念,喺日常生活之中,好似買食物、用零用錢等,有機會就要向小朋友灌輸理財觀念。
點都好啦,一定要記住:「借錢梗要還,還得到先好借。」
作者:史高治叔叔(Facebook專頁按此)
後生嗰陣,大學一畢業就入咗大銀行商業部做Sales,跟一班有名有利嘅客人打交道,有時可以跟埋一齊飲飲食食,花天酒地、燈紅酒綠嘅生活,造就今日呢個身經百戰又識玩識食嘅嘅叔叔。不過自從做咗老竇之後,史高治叔叔修心養性,決定將行內鮮為人知嘅見聞,喺專欄裡面一一公開。
-
近日有網民於社交平台Threads發相,相中是一間幼稚園門外,並出現了長長的「BB車龍」。串文獲大量網民留言及轉發,有人對這現象不明所以,亦有家長表示「K1都係得3歲」,指學前兒童其實有需要坐BB車。2 day ago
-
裘槎科學周再度回歸,並於2025年4月7至25日舉行。這個香港年度科學教育盛事每年都吸引不少大小朋友參與,透過多元化的免費雙語活動及工作坊,讓小朋友更充分了解及學習科學知識與日常生活之間的關聯。各個活動及工作坊已開展報名,即睇詳情。3 day ago
-
教育局昨日(13日)向各小學派出2025/26學年「開班信」,當中有兩所資助小學因收生不足,故未能獲批開辦資助小一班,它們分別是位於黃大仙區的天主教博智小學和南區的鴨脷洲街坊學校。教育局表示,相關的學校可選擇申請方案,並在獲得教育局的特別批准後,再次參與下年度的小一派位。3 day ago
-
想和小朋友一起認識海洋科學,大家不要錯過香港海事博物館的親子同樂日。香港海事博物館將於 2025 年 3 月 22 日舉辦太古親子同樂日,屆時將免費開放博物館。活動包括海洋科學展廳導賞團、講座、互動遊戲攤位、兒童活動工作紙等,即睇詳情。3 day ago
-
適齡學童數量持續下跌,教育局預計2025至2031年6歲小一適齡人口將會由48600名降至37500名,學齡人口結構性下降的趨勢將繼續維持,就「 派0班 」的小學發展規劃作修訂,取消特別視學安排,方案選項由4個減至3個。4 day ago
-
洗碗後海綿上殘留泡泡有無問題? 洗碗和洗其他用具後,該如何處理留在海綿上的清潔劑?爸媽們是否也曾有過這些疑問呢?又或心想:「如果剩下一點洗潔劑,可以方便下次再清洗其他東西。」4 day ago