【怒減90公斤】180公斤胖媽媽為仔仔減肥變網紅

美國媽媽Erica Lugo由細到大都比較肥，大學時體重已經近150公近，生完仔仔後更升到約180公斤！除住仔仔Connor逐漸長大，受到同儕影響及取笑，亦開始對Erica外型有怨言，而Erica某次帶仔仔去公園玩，發現自己身體限制，搞到無辦法同Connor一齊玩，幾種因素加埋，令Erica驚覺自己體重可能會令自己陪伴仔仔成長過程中留下遺憾。

而令Erica最深刻，係仔仔可能因為媽媽外表令自己無面，所以問Erica可唔可以唔好去幼稚園接佢，呢句說話令Erica非常心碎，匿入房中哭泣，並決心來個大轉變。

佢採用高蛋白、低碳水化合物飲食方法，戒垃圾食物，同時配合有氧運動、用重訓調整體態，2年間減去將近90公斤，外型有了驚人變化，甚至IG上有成39萬人追蹤，儼然變成一名網紅！

仔仔更受到媽媽改變影響，變得開朗、仲成日向同學炫耀自己媽媽添。