【購物小攻略】最低兩折！2018年BB春季購物節開幕啦

但係咪真係咁抵？小編就搵咗部份比較抵買或特別嘅商品，畀大家參考吓！

首先，入場時建議係場內詢問處，買本價值15蚊嘅現場優惠卷，因為場內好多贈品同優惠購買價，都需要有呢本野入面嘅優惠卷先有。同埋部份檔位或優惠券中需要填寫，所以出面時最好準備一枝原子筆。

買券地方都可以買到$3一枝原子筆，媽媽們可視乎需要購買。

台灣紫金堂月子水

$150兩枝現場聽到有媽媽話，飲完對漲奶好有用。

紫金堂鄰鋪

Greecare兩用腰帶加揹帶$399有交易。

PaYO PaYO嬰幼產品大平賣

行到會場最入面，有間鋪頭低價出售大量兒童用品

其中好多產品係鴨仔PaYO PaYO嘅產品，又平又得意呀！

呢啲衫仔大部份都賣緊五十幾蚊左右

最平只賣$39.9！不過小編有朋友就話，呢款衫外面商場買仲有得平啲喎。

鞋仔及各樣幼兒用品，包括啲鞋仔都係$60之內。

鞋仔40蚊內有交易。

場內買一送一及2折扣優惠

呢間近會場入口嘅tommee tippee，唔止奶瓶買一送一，店內好多商品都做緊呢個買一送一活動，亦有好多減價優惠，爸媽們都可以去望望。

場內最左手邊，有個限量貨品及2折區，入面所有商品都聲稱極低價發售！小編入去行一圈，見有部份商品的確係抵，但好多價錢都唔算話係平得好緊要，爸媽買時可能要格個價。

場內限量商品