【唔洗開刀嘅！】男童不慎吞入磁鐵 醫生以超強磁鐵吸出

四川貴州呢位13歲嘅初中生駿駿（化名），係10月28日課間休息時，就將一塊直徑5毫米嘅磁鐵用牙齒咬住，另外又用手拎住一塊把玩，未料手中磁鐵竟與口中磁鐵互相吸引，被吸入口中，駿駿一個無咬實，兩粒磁鐵一同順著食道吞入肚。

駿駿之後感到上腹疼痛，父母即時帶佢到當地醫院求醫，X光發現磁鐵已跌落駿駿食道下段和胃底，並因為兩塊磁鐵相互吸引的磁力很大，已經係食道同胃底部打通一個「隧道」，留下一個0.1釐米穿孔的痕跡。

醫生經過一晚後，發現磁鐵未有排出，翌日更發現磁鐵所在部位已經開始出現潰瘍。

而因為長時間停留，賁門和胃底部的組織已經將兩塊磁鐵包起嚟，磁鐵已嵌在肉中，根本睇唔到磁鐵邊緣，消化內鏡嘅夾根本夾不住…如果要夾硬夾出來，亦可能會夾到磁鐵周圍的組織，對小朋友好危險，而且可能會係胃底造成更大嘅洞，到時呢個洞可唔可以封好，同埋駿駿會唔會大出血都係未知的。

醫生就話需要進行外科手術先可以取出，但駿駿父母心痛仔仔，怕佢受唔住手術所以拒絕，之後就帶住仔仔輾轉貴州、雲南多間醫院求醫，睇嚇有無其他方法可以幫到駿駿。差唔多10日後，佢地終於到咗華西醫院，華西醫院消化內鏡中心主任胡兵教授得悉情況後，決定以毒攻毒，網上買咗兩塊超強磁鐵放入駿駿胃中，將磁鐵成功吸出，一家人終於可以放下心頭大石啦！

 

用咁特別嘅方法治療，呢位教授就笑住話，為咗解決病人問題，佢只可以係病人嘅安全底線之下，用唔尋常路線去幫佢。

圖片及資料來源：四川在線