【未開學先興奮】特色文具介紹番畀你

7-11特別聯乘Tiny微影，於7月26日起推出一系列富香港特色的合金車仔擺設、公園三寶文具、手寫小巴牌匙扣及冰室美食造型壓力波，重現80年代經典回憶，家長又點會唔心動。

其中最有用嘅就莫過於公園三寶文具，將舊式的瀡滑梯、氹氹轉、馬騮架化身為實用的文具，包括筆架、萬字夾座及相片座等，把桌面打造成專屬遊樂園，可愛又實用。

另外，合金車仔擺設之中，特別推出香港80年代雪山雪糕車，別具收藏意義，小編嘅回憶都返晒嚟呀！小編嘅回憶同你哋有冇重疊呀？

另一個同「文具」有關的活動，LOG-ON現正舉行文具創意活動，將書桌上的品味延伸至生活。今年特別與多個極具日本特色的品牌合作，即日起至8月6日(10:30-21:30)，於太古城中心舉行「日本選物 | Japanese SELECT」活動，並邀得多個日本大熱文具品牌參與。

除有多款限量版文具，現場亦設立不同類型的工作坊，讓參加者深入體驗日本文具及生活文化，部分品牌主理人更專程來港，與大家分享他們的創作理念及展示一系列富有日本生活文化的產品。

從7月29日起，TRAVELER'S FACTORY POP-UP Store內將發售極具收藏價值的富豪雪糕車造型八達通500張，定必不能錯過。

另外，亦特別推出以香港特色為主題的「富豪雪糕」限定系列文具，同7仔個套配埋一齊真係超正呀！