【試吸塵機】兩款最新吸塵機試用報告

Panasonic(左)及Bosch(右)兩部新吸塵機。

Panasonic MC-BJ870

MC-BJ870吸塵機纖巧又夠配件，無得輸呀！

呢部吸塵機真心適合香港的蝸居，因為其體形夠細，而且外形亦夠晒Cool，加上有小朋友嘅家庭雜物一定特別多，所以這部配備全新〝IT〞扭擰吸嘴設計的吸塵機就最啱。其獨特的吸嘴，可以按用家需要，隨意扭動方向，“T’’型吸嘴方便清除大面積塵垢，而只需輕輕轉動把手就能使吸嘴變成“I’’字形態，寬度僅有5cm，可輕易深入狹縫清潔。

小編覺得另一有用功能係微塵感應功能，其特有微塵感應器，能偵測微細至20微米 (µm) 的塵粒，配合自動吸力調控，即使連肉眼看不到的微塵埃也無所遁形，屋企能做到一塵不染，小編試過真係唔覺有塵嘅地方佢都Feel 到架！

佢會自動感應塵埃所在，自動調節吸力。

另外，仲有一個正嘅地方係獨特全速清潔吸嘴設計，吸嘴前端活門會在緊貼牆邊時打開，將吸頭緊貼牆邊，可有效吸除積累在牆邊死角的塵垢，而吸嘴上的橫向滑輪亦可方便機身在牆邊左右滑動，使吸塵靈活方便。

唯一小編覺得有欠方便的是放置上，使用掛牆會比較方便，但對於好似小編咁租屋的用家來說則較困難，因為租人地方不能隨便鑽牆嘛！

總括來說，這部吸塵機能夠清潔細小狹縫，已經夠晒勁，加上其時尚感爆燈，顏色設銀色及玫瑰金兩種，小編個人喜好玫瑰金，型到震。不過價錢就真係有點兒偏貴，建議零售價賣$5,980，要儲吓錢先買得。

查詢：2833 0955

若嫌Panasonic MC-BJ870太貴，下一頁有另一部中價吸塵機試用報告。

Bosch Athlet Ultimate 無線吸塵機

另一部嘅就係Bosch嘅新機，SmartSensor Control 無塵袋感應技術，時刻監控吸力，清晰的 LED 顯示燈提示，確保吸塵機保持理想的吸力水平。

方便嘅地方就係用完可以直立放置地上，唔使一定要掛牆，而且換咗個配件就可以上膊背住嚟吸，全屋個個角落都可以吸到。

而呢部吸塵機另一個堅嘅地方係佢可以平放，連梳化底呢啲難搞嘅地方都吸到。

Bosch呢部吸塵機嘅吸力都好OK，配備的高效能電動刷頭，以每分鐘高達 5,000 轉的高速轉動，配合氣流力學設計及超闊刷頭，高效地清理地毯、地板及狹縫的塵埃。

吸完塵之後，全新旋轉式過濾，自動清潔濾網上積累塵埃並自動跌入集塵箱，毋須接觸更衛生。

呢部新機機身只有白色選擇，售價$3,598，屬中等價錢，呢個價錢有呢個吸力真係好唔錯架啦！

查詢：2623 7100