【真可防蚊?】實試 Baleno 防蚊衫

有次行街見到竟然有個產品叫「防蚊衫」，好得意，而家連衫都可以防蚊？趁做緊優惠，咁就即管睇下！防蚊衫有小朋友同大人款，圖案都好多可以選擇。

原價  $129，而家折扣後 $99。比錢時，店員都溫馨提示:「唔好用熱水清洗衣物，會影響效果。」記住咗店員姐姐的說話，返到屋企睇咗睇原來標籤上都有提及呢一點。洗新衫前，聞一聞，其實衫係無咩味道，然後就用凍水洗衫。

先睇下平時係點做防蚊措施先。而平時下圖見到一樣，又蚊貼又蚊怕水又蚊膏咁，咩都出動晒先至去玩咁先可以白白滑滑咁返屋企！

幾日後，大膽咁試一試呢件「防蚊衫」效果，而今次就會帶住 2 套衫去出去玩，同時試下著普通出街衫以及著住防蚊衫究竟會點，而重點係今次蚊貼、蚊怕水以及蚊膏都唔會用！

去到沙灘即刻換「防蚊衫」試試佢先。

今次去沙灘小朋友都無玩到水，只係沙灘度行下跑下咁。玩咗一輪之後，坐喺草叢坐約半小時，再睇睇手手腳腳！

發現都無咩事，手腳無被蚊咬過的痕跡。而隔離個姐姐都無事，因為用左蚊膏。見無事，沙灘呢關算過關啦！

下一個測試地點: 經常去而又多蚊嘅公園

哈哈！最細110碼，係長咗啲，但我感覺幾靚。

只係著件衫，無做任何防蚊措施的情況下，玩咗大半個鐘，依然無事。咦！我諗會唔會只係咁岩無蚊呢? 咁呢個時候當然要換過件普通衫試下先！

過咗陣，睇住個女郁身郁勢咁行埋黎就知瀨野......OMG！

公園呢個實試咁嘅結果，一定過關啦！！！你問我整體意見如何? (參考下表)

係啦，有好多媽媽都會問，有無褲款? 係有架！T-shirt 比我之前睇好似多左款。

如果你已經買咗或者有興趣就睇埋以下的「解答你疑問」！

究竟點解而家咁犀利，連衫都可以防蚊?而家黎個10問10答啦！資料來源: BALENO.HK

1. 為什麼Baleno「Bye Bye蚊蚊」童裝防蚊系列可以防蚊？

答：Baleno「Bye Bye蚊蚊」童裝防蚊系列糅合了英國 HHL Technology Vital Protection防蚊科技，仿效大自然菊類驅蚊活性原理，親和無味，獨特地使蚊子自然產生抗拒感及作出迴避，從而達到防蚊效果。

2. 相比市面上的防蚊產品，Baleno「Bye Bye蚊蚊」童裝防蚊系列有什麼特別之處？

答：Baleno「Bye Bye蚊蚊」童裝防蚊系列除了擁有長效驅蚊、抗菌及防蟎蟲等三重功能外，而且親和無味，柔軟舒適，並配有多款可愛印花圖案。相比一般防蚊噴劑及蚊貼，「Bye Bye蚊蚊」童裝防蚊系列免除了氣味的刺激及易受汗水影響而脫落的煩惱，較能讓小朋友接受及在不察覺間獲得多一重長效防蚊保護。另外，該童裝防蚊系列更可重複使用，在多次洗滌後仍可保持一定程度新亮及功效，相比即棄防蚊產品，更省錢更環保。

3. 產品使用的Vital Protection防蚊科技是否安全有效？

答：Vital Protection已多年應用於歐洲戶外、運動及家紡等產品，小朋友及大人都用得輕鬆又放心。此防蚊科技並且獲得多個歐洲機構測試認證:

*德國HOHENSTEIN: 防蚊測試

*芬蘭FinnREACH: 皮膚致敏性測試

*瑞士OEKO-TEX®:

安全測試產品亦通過世界衛生組織指定的國家檢測合作單位疾病預防中心的避蚊監測，更不含避蚊胺DEET、萘類、石化提煉樟腦、精煉薄荷腦等敏感性成份。

4. Baleno「Bye Bye蚊蚊」童裝防蚊短袖T恤的防蚊範圍有多大？

答：一般情況，「Bye Bye蚊蚊」童裝防蚊短袖T恤對頭、頸、手部等上半身位置，防蚊效果會較為顯著。如配合下身「Bye Bye蚊蚊」童裝防蚊短褲或連身短裙穿著，防蚊效果便可更全面。

5. Baleno「Bye Bye蚊蚊」童裝防蚊系列被汗水或雨水弄濕後是否仍有防蚊效果？

答：採用Vital Protection防蚊科技的Baleno「Bye Bye蚊蚊」童裝防蚊系列不會因運動流汗/高濕度天氣而影響效能，適合小朋友於戶外活動時穿著，輕鬆防蚊。

6. Baleno「Bye Bye蚊蚊」童裝防蚊系列是否可以和防曬乳一起使用?

答：專家指出，如果防曬乳與含有高濃度避蚊胺DEET的防護液同時塗於皮膚上，會容易產生化學作用，導致使用者不適。Baleno「Bye Bye蚊蚊」童裝防蚊系列所採用的Vital Protection防蚊科技除了獲得國際安全認證外，更不含避蚊胺DEET，可安心與防曬乳搭配使用，於夏日陽光下給小朋友雙重保護。

7. 產品使用的Vital Protection防蚊科技是否對防蠓(小黑蚊)有效?

答：Baleno「Bye Bye蚊蚊」童裝防蚊系列所採用的Vital Protection防蚊科技對卵生蚊蟲類具有良好的預防效果，故對驅走蚊子，蟎蟲、蠓等皆有功效。

8. Baleno「Bye Bye蚊蚊」童裝防蚊系列洗滌方法有甚麼需要注意？

答：Baleno「Bye Bye蚊蚊」童裝防蚊系列的洗滌方法與一般衣服無差異，須避免使用含有漂白成份的洗滌產品，詳細可參照衣物內附的洗水標籤指引。如放入洗衣機清洗時，能配備洗衣袋，保護衣物效果將會更好，可減少衣物之間的拉扯及磨損。 

9. Baleno「Bye Bye蚊蚊」童裝防蚊系列可洗滌次數約多少次？

答：如依照內附的洗水標籤指引洗滌產品，洗滌約20次仍可保持驅蚊效果。因衣物洗滌期間，纖維之間有摩擦及耗損，故產品之防蚊效果會隨著洗滌次數增加而慢慢遞減，屬正常現象。

10. Baleno「Bye Bye蚊蚊」童裝防蚊系列適合多大的小朋友穿著?

答：男、女童裝防蚊短袖T恤系列大部分設有100碼至150碼，防蚊短褲及連身短裙系列則設有110碼至150碼。相關尺碼一般可以參考小朋友的身高作配對：

100碼 (適合身高: 95cm-105cm)

110碼 (適合身高: 105cm-115cm)

120碼 (適合身高: 115cm-125cm)

130碼 (適合身高: 125cm-135cm)

140碼 (適合身高: 138cm-143cm)

150碼 (適合身高: 148cm-153cm)

*以上資料只供參考，揀選尺寸還需考慮小朋友的肩寬、腰圍等因素喔