【忙裡偷閒】試FACIAL！做媽咪都要KEEP住靚

做媽媽之後，會不經意買好多嘢畀個仔，自己就真係得個忙字，連夜晚敷個Mask嘅時間都無，早幾日終於年幾以來再做Facial，去Dermagram試佢哋個皇牌美容護理─微泡喚肌面部護理療程，當中會用到一部儀器來吸取面部的污垢，美容師還說這儀器大肚婆都用得，可惜的是我的大肚時代已過。

講返個療程，首先會有美容師先了解皮膚狀況，然後講解療程、使用產品等，之後就可以入房做Facial啦！一攤上張美容床度，真係即時覺得好貼心，因為美容師已經開好張暖氈，成張床暖笠笠。

躺好之後美容師先替我做些暖身步驟，其中一個會用到香薰精油，各位孕媽媽及哺乳媽媽就記得提醒美容師Skip這個步驟。

完成之後，美容師開始替我落妝，更加幫我修埋雜毛添，好耐無試過咁享受啦！然後，美容師會以儀器代替針清，當儀器放上面之後，就會感覺到皮膚被吸啜的感覺，就是儀器開始幫手吸出面部污物，啜完面部的黑頭、粉刺等頓時減少，連死皮都好似無埋，面部立即變得有光澤及更乾淨白滑，連同行的同事都話有即時效果。

其實微泡喚肌面部護理，即是指利用高頻磁波震盪分子對撞原理，深入毛囊作深層淨肌，以8款不同大小及紋路的螺旋吸啜式治療頭，針對不同膚質及位置，更細心針對鼻翼等微細及難清潔部位，難怪吸完之後特別乾淨。緊接注入Epidermal Growth Factor (EGF)及透明質酸等，目的是使細胞重現活力，令肌膚即時回復水潤並富彈性。

搽完一層精華之後再會蓋上紙面膜，以完成敷Mask呢個部份。

整個facial均使用Dermagram自家品牌的產品進行，其有六大防敏保證，包括使用低過敏配方、不含添加色素、不含人造香料、不含羊毛脂、不含致敏防腐劑及不阻塞毛孔。

完成之後，自己睇返吸出來的水都驚，因為水本身十分污濁，裡面還隱約見到啲一粒粒物體，證明塊面真係污糟到不能。之後美容師會敷上水潤修護面膜，幫大家無時間搽Cream嘅皮膚補返啲水，即時為肌膚提亮潤飾。經過今次之後，真係要提醒返自己唔可以放棄自己，做咗媽媽啫，都唔可以忘記自己要保持皮膚乾淨。

成個療程期間，我相信實在太舒服，中途忍唔住瞓著幾次，仲扯埋鼻鼾添，完咗出去仲可以去休息區度飲返杯茶抖下，絕對係湊仔嘅忙碌中Relax嘅好方法！返到屋企問老公塊面有甚麼不同，佢竟然一眼就睇得出額頭位滑咗，即刻覺得好值得做呀！過咗兩日之後，隔離位同事仲話見到光澤，我都好想再去做下！

睇咗咁耐係咪好想知幾錢呢？而家抵呀，上網登記首次試做價$168，喺網上完成埋付款，仲會送多一盒Dermagarm SPF15絲滑透氣礦物粉，各位靚媽真係要放自己兩個鐘假，去享受一下！

網址：http://www.dermagramswiss.com.hk/bubble-purifying-MC-03-01-p3.html