【家長留心！】小西灣商場出現疑似拐子婆

近日一個Facebook群組，一名網友Sammy指自己於柴灣為仔仔拍攝時，遇上一名疑似拐子婆嘅女士上前逗仔仔玩，又問佢住邊、係男定女，Sammy稱起初未覺怪異，但後來覺得對方有些「唔對路」，但見對方又無任何攻勢行為，於是就偷偷用手機錄影監視，直到後嚟該名女士整跌咗自己小朋友，佢就即時走上前阻止並停止攝影。

Sammy透露，當時佢已經抱走囝囝住電梯方向離去，未料對方竟然從後跟上，更想搶走囝囝話小朋友係佢嘅，其間更指責Sammy搶佢小朋友，叫路人幫佢手搶。Sammy為保護囝囝，與對方發生衝撞，最終搶回囝囝，迅速回家並報警救助。

事主Sammy稱當日事件令囝囝受到驚嚇，歸家後經多番安撫，依然特別痴人、容易受驚。Sammy就將事發前，該名疑似拐子婆嘅女士同仔仔玩嘅影片上傳Facebook群組，望家長可提高警惕。不料引起網友質疑點解見對方唔正常，都仲拍片而非去抱走仔仔，更有網民稱自己認識該名女士，認為對方雖然特殊學生，但為人純品，指影片中未見其有任何拐帶行為，認為Sammy說法成疑。Sammy則無奈表示，佢上傳影片，並唔係認為呢位女士係影片中有問題，有問題嘅係影片之後發生過嘅事，而最初用意只係希望大家因此提高警覺。 

事件至今已成熱話，Sammy指若有認識該名女士的相關人士出現表態，或可以作溝通並消案，而並非好似現時咁，令所有矛頭指向佢。不過無論件事係點，家長多存警惕之心先係最重要嘅事，出街時睇實啲小朋友喇。

資料來源：Facebook群組《柴灣人柴灣事》