【不必打罵也聽話】管教孩子的5個有效方法

不作回應

心理學角度而言，當小朋友做出一啲行為，例如扭計、尖叫或咬人等，家長如果比咗啲回應佢地，即使係皺眉同警告阻止，佢地會覺得吸引到家長注意，而不停重覆行為。家長只要無視佢地，佢就會開始覺得悶，自然而言佢地就會自己走開。

設冷靜區

呢種方法亦稱作計時隔離法，係西方當見嘅教育方式。當小朋友唔聽話時，家長將小朋友單獨抱去冷靜區。冷靜區可以係一個安全嘅角落或房間，最重要係地方要夠安靜同獨立，唔好有其他野影響小朋友既專注力，令小朋友可以冷靜落黎反思自己。

身體約束

如果小朋友鍾意用暴力解決問題，當小朋友開始激動時，家長可以將小朋友帶到安靜嘅地方，同小朋友面對面，再用雙手按住小朋友嘅肩膀一分鐘，然後鬆開，再嚴肅冷靜地話比小朋友聽，爸爸媽媽唔鍾意佢做呢個行為。每次小朋友激動時，家長可以用呢種方法約束小朋友，多試幾次就可以逐漸改善小朋友嘅不良行為。

承擔後果

呢個方法適用於改正小朋友日常生活嘅壞習慣，以及唔願意聽家長勸告嘅小朋友。呢個方法主張令小朋友承受錯誤中造成既不愉快，例如小朋友唔願意執拾玩具，勸告無效後，就將佢無執拾既玩具收起，等小朋友搵唔到。到小朋友發現時，就可以趁呢個機會向小朋友說教。

功過相抵

有啲唔小心做錯事、願意主動認錯或唔知自己做嘅事係唔啱嘅小朋友，就可以以功過相抵嘅方法處罰。例如做家務就係其中一種既可達到處罰效果，又可令小朋友學習做家務嘅好方法。