【媽咪嬲爆】辛苦擠母乳比空姐倒曬

話說呢位媽媽乘搭航班回台灣，候機果陣就擠咗一樽母乳帶上機，然後請空姐幫幫手擺落冰箱雪住先！但萬萬都估唔到，落機果陣媽咪想拎返樽奶，先知道樽奶比人當垃圾扔咗，唔單止辛苦擠嘅母乳無曬，連個奶樽都爛埋，唔嬲就假啦。

咁查過相關航空法例，未安檢之前，想帶母乳入境係要申報，不過呢位媽咪就係經過經查後，候機果陣先擠母乳，理應合符情理！不過無論規例係比帶定唔比都好，空姐都無理由無知會嘅情況下就咁扔咗佢。

事後媽咪都係網絡平台到公開批評該航空公司，認為佢地無尊重過母乳媽媽，無主動提及賠償返個奶樽錢都算，道歉都欠缺誠意。

不過劇情就峰迴路轉，雖然成件事睇嚟係航空公司果邊唔啱，不過就有目擊網民指出，其實人地個「道歉」已經好認真，係呢位媽咪自己覺得未夠，真係凡事都唔可以淨係睇一面！不過倒母乳事件上就真係無得駁，真係太過份，未知會事主就私自處理。

網絡截圖