【首日現場直擊】2017春季BB展開鑼

今年荷花BB展主題是「BB春季購物節」暨「兒童成長教育展」10週年！今次有接近200個參展商、全場有380個展位。

規模不算大，展場設於Hall 3F&G，面積較夏季BB展的規模小得多。

首日10點左右的入場情況雖不算多人得誇張，但無論是購買入場券、或者已有贈券的，都要分別排隊進場，排隊時間分別約10分鐘左右。

門票$25一張，記得連同$15一本的優惠券一齊買，皆因內裡有超多免費贈品等你攞。

如果大家場外買了入場券或已有贈券的話，可以入展場內另外購買優惠券簿仔。

場內購買優惠券簿仔一樣排隊，這裡大約要花15分鐘排隊。

BB展現場最受歡迎的一定是各大奶粉商的攤位，只要排隊登記入會即免費送各種禮品。

而現場所見，大部份奶粉、尿片的攤位，早早已經佈滿排隊人潮，所以各位爸媽最好鎖定目標，先排心儀攤位為妙，因為各個受歡迎攤位，都分幾條隊排，每條隊有不同禮品。

以今朝10點半左右，現場有些隊伍已經要花約1小時至1.5小時才排到，真是少點腳骨力都不能。 更多BB展筍貨可查看： 首天現場超多人，不少奶粉商的講座早早已額滿。

雪印奶粉銷售區，1號奶粉不設優惠。

除了奶粉外，雪印芝士產品都幾受家長歡迎，現場會送埋冰袋比你帶返屋企。

今次BB展比較特別的是除了幾個大型奶粉商Booths讓大家換贈品外。展場後排多了很多小攤位，銷售不同的平價嬰幼兒物品。

小攤位迫滿人潮，至於現場有乜抵買？一齊睇睇啦！

呢個BLOOM AND BLOSSOM品牌連英國皇妃凱莉都用，可以參考下。

嬰兒沐浴露都幾抵嘅！

$130任選幼稚園學模教材、面試題目。

嬰兒衫仔大特賣。

都係衫仔。

不少參展商都大派入會禮物。通常Like FB Page及以會場優惠券即可獲取禮物。

有機嬰兒食品亦係熱門產品。

Goon尿片會場優惠

思詩樂會場優惠

余仁生會場優惠

購物滿指定金額另有贈品。

呢個好多熱門嬰幼兒產品，好抵！

特價小童衫仔，$100有3件。

好多媽媽都掃奶粉，因為買滿指定數量奶粉會免費送大大盒車仔玩具。

帶埋旅行喼入場掃貨，有備而來！

更多BB展特價筍貨可查看：【1折筍價率先睇】荷花春季BB展2017

「BB春季購物節」暨「兒童成長教育展」

地點：灣仔香港會議展覽中心Hall 3F&G (灣仔港鐵站A5出口)

日期：2017年2月24日至26日

時間：2月24至25日(10:00 am至8:00 pm)2月26日(10:00 am至7:00 pm)

門票：成人 $25 / 小童 $20售票

地點：現場售票

預售：全港荷花親子店 及7-11全線展覽會