【手足口病】原來大人都會中招﹗

據衞生署提供的資料，「手足口病」是一種常見於兒童的疾病，多發生於5歲以下兒童，通常由多種腸病毒例如柯薩奇病毒、腸病毒71型引起。別小看腸病毒71型，因為它有可能引致病毒性腦膜炎、腦炎、類小兒痲痺癱瘓等嚴重併發症。在香港，手足口病的高峰期一般由初夏至秋季。

大部分患者在病發初期會出現發燒、食慾不振、喉嚨痛、疲倦等徵狀，跟一般傷風感冒的病徵沒有大分別，所以好多人(包括小編)都不以為意，但喺發燒後1至2天內，口腔、手掌、腳掌會出現一些不痕但睇落似水疱的紅點，就有機會係手足口病啦﹗

手足口病是一種自限性疾病，病發大約一星期左右就會自行痊癒，基本上毋須要食藥(但醫生通常都會開定一些退燒、止痕、防敏感藥)，只要多飲水同有足夠的休息就可以。不過，患者在病發後第一個禮拜係最具傳染性，所以就算完全康復都唔好四圍走，要起碼留在家休息一至兩星期，以免將病毒傳染俾其他人(尤其是小朋友或者孕婦)。