【大年初一開鑼】有玩有食林村許願節

香港許願節2017於1月28日大年初一正式開始，大家去許願節玩當然可以欣賞舊許願樹，及在新許願樹拋寶牒祈福，仲可以食到多款美食，間直係去林村掃街呀。

今年必推美食包括：

記者至愛！

櫻花蝦Cheese心玉子：燒玉子加入芝士及蟹柳做餡料，以櫻花蝦、木魚碎做面料裝飾，加上醬汁一起放入口，熱辣辣的又香又好味。

特色美食！

鐵板炒雪糕：雪糕味道有香蕉、香芋、雜莓等，而配料方面則有獨創的麥維他，另外Oreo亦是多人選擇的配料。

波波Corn Dog：即時平日的熱狗腸，但今次變成波型，Cutie之餘亦不會吃到太飽。

糯米釀雞翼：雞翼內釀入已經入晒味的糯米飯，整隻雞翼非常飽滿。

蜜燒金蠔：一串三隻燒金蠔，又有蜜糖味又有蠔味，非常Juicy。

其他好味推介：長洲糯米糍、炸蝦、蒜香牛肋肉、日式海鮮盒、芝士焗蠔等

首辦花牌設計比賽

食飽飽醫好肚之後，可以參加首個港式迷你花牌設計比賽，一家大細透過DIY個人化的傳統特色花牌，認識香港傳統工藝。做得靚的話，還有機會被挑選參加之後舉行的展覽。小編試過DIY一個，都真係好巧功夫同心思，好好玩呀！

適逢今年元宵佳節是星期六，大會亦特設桃花林和桃花飛舞水晶球，供情侶花間合照。

考慮到一家大小遊訪而設的巨型吹氣城堡陣，城堡滑梯適合小朋友，吹氣鴻運吉山適合想步步高昇、大吉大利的市民。

另外，亦可以在祈福許願繪馬上，寫下雞年的祝福語句，為自己或全家齊齊許願。

小編提提大家，做咩玩咩都好，記得睇位小朋友，因為到時人多咩都有可能發生，以免樂極生悲嘛！

林村許願節同時集合了許多本地創意手作品，開設新春創意市集，著名手作藝術家聯同他們的作品一同推廣本地手創文化，例如印度彩繪紋身、手作押花飾物、手作皮革飾物等。

活動日期：2017年1月28日至2月12日

時間：上午9時至下午6時

地點：大埔林村許願廣場