【日本版萬里長城】沖繩必去今歸仁城跡

早前小編帶大家行完去沖繩一定要去嘅美麗海水族館，去完就唔好急住返酒店，由水族館出發大約半個鐘車程就可以到達今歸仁城跡。

圖片：網絡

先講下呢個城跡嘅特色同威水史先，今歸仁城跡係日本指定史跡，2000年11月更同首里城等以琉球王國嘅城堡以及相關遺產群的名義共同列入世界遺產名錄。

呢個地方仲係賞櫻聖地，想睇就要快d買機票，根據以往經驗，通常一月下旬就開始開櫻花。

今歸仁城跡最大特色就係好似長城咁嘅石壁，不過小編就比較唔好彩！咁啱個天落雨，不過都相當靚，好天就更好啦。

由於小編係報巴士團，包埋門票！如果自駕遊人士就要留意返以上收費，一場嚟到30幾蚊一個成人都尚算可以接受！

離開果陣可以行埋係入口處嘅歷史文化中心(門票已包)，由於入面係唔比影相，帶唔到大家入去啦！

今歸仁城跡

通常開放時間：(1-4，9-12月) 08:30~18:30

夏季延長開放：( 5-8月) 08:30~19:00

*全年無休

睇完城跡附近仲有一個必去影相位，大約十幾分鐘車程就到，就係古宇利塔！

一行入古宇利塔就係貝殼展館，可以同小朋友一齊欣賞。

古宇利塔入面除咗有大量手信可以掃之外，話明係塔，當然要上塔頂影相！

上到頂除左影相當然都要搖一搖個幸運鐘！黃昏仲可以行埋附近嘅沙灘，順路尋找下成日上電視嘅心形石。

相關文章：沖繩必去美麗海水族館

圖片：網絡