【戶外印相無難度】小朋友Gathering合照即時Print

踏入數碼年代，大家會用數碼相機為小朋友記錄每日生活點滴，但再去沖印店一張一張相曬出嚟？聽到都覺得費時又麻煩！如果有一部就連小朋友都識用嘅打印機，可以輕鬆簡單咁即影即印相，咁又唔同講法！始終一張實實在在嘅相片，比起齋喺 Mon 睇更有真實感！

無線設計 體積小巧
就好似呢部配備 Wi-Fi 無線打印功能嘅 Canon SELPHY CP1200，就可以即按即印手機或者其他電子產品內嘅相片。

由於機仔細細，加上支援充電池，印相時唔使再插電線，所以就算戶外活動時帶埋出去都好方便。以後約埋其他小朋友野餐開 Party，就可以畀佢哋即時 Print 相開心 Share！

簡單易用 小朋友都識
SELPHY CP1200 操作簡單，除咗可以直插 SD card、USB 記憶體直接打印相片之外，仲支援 Wi-Fi 無線打印及 AirPrint 打印功能，一按即可無線接駁至智能手機、數碼相機或電腦，即時打印相片。就算小朋友都一教就即刻識用！

自製畫冊 親子作業
小朋友最鍾意剪剪貼貼，Canon SELPHY CP1200 更有版面打印功能，透過機上 2.7 吋上揭式螢幕直接揀相，再配合多達 6 種唔同類型嘅相紙，例如信用卡尺寸貼紙(全張、8 格) 或正方形貼紙，可以畀小朋友發揮天馬行空創意，自製貼紙相畫冊！加上現時幼稚園已經開始要求家長與小朋友一同製作親子作業，呢部輕巧打印機就可以大派用場喇！

證件相自己Print
除咗自製貼紙相畫冊之外，呢部 SELPHY CP1200 仲有證件相打印功能，內置多種尺寸、即印即用，最正係新增支援ID證件相優先模式，打印時就更方便啦。就算小朋友報學校、參加興趣班要交證件相，都可以喺屋企一 Take 過自己搞掂，唔使再出去影證件相喇！

而家網上購買 SELPHY CP1200  即送 RP-54 (明信片尺寸)相紙連色帶套裝及充電池（總值：$730）：http://store.canon.com.hk/osp/selphy-cp1200-rp54.html