【好大呀！】超巨型羽毛球勁彈勁好玩

好想即刻打返場羽毛球出返身汗，無奈本身技術欠佳加上手腳不協調，正常羽毛球完全唔識打！直至遇上呢個超巨大羽毛球之後，真係信心都即時返番嚟！

早前去AEON諗住去童裝部掃$19.9一件嘅平貨時，偶然遇上呢對超巨大羽毛球，我心感興奮！立即將佢據為己有！

唔好以為個羽毛球咁巨型就好難打，其實都幾輕幾易打，因為佢個頭好彈，所以即使初次玩都好易上手！

而且由於個羽毛球巨型，球速相對較低、目標亦夠晒大，打嘅時候就唔使好似「超級丹」咁走嚟走去！

最啱小朋友同我呢類唔多走得郁嘅媽媽一齊玩，是個完美嘅假日親子運動！

真人示範，係咪好巨呢？WAKAKAKA

堅係好巨架唔信你睇下！

不過，留意返呢套超巨大羽毛球寫明只適合六歲或以上兒童玩，而且要有成人監護下使用。至於六歲以下嘅小朋友就唔好玩喇，因為佢話內有小配件(雖然我見唔到邊度有小配件)。

呢套羽毛球一套有兩個羽毛球拍同兩個羽毛球，售價係$89.9，我喺AEON感謝日買架！所以仲有95折！哈哈！