【超方便】7 個新奇廚房「特技」工具

1.    密實封口機

食到一半食唔完點算？用密封夾又覺得總會漏氣，將它重新密封封口就 perfect 啦！最好食一半，再重新封口扮冇食過！

2.    不倒杯

大頭蝦有救了！不用再怕倒瀉，因為不倒杯點打側也不倒瀉。但認真，個底尖尖地，個設計原意是否就是讓杯子打斜放？

3.    See-through 多士爐

聽到個名都知正。唔知大家有冇相同煩惱，小編每次用多士爐烘多士，都會烘得唔均勻，一係黑，一係冇烘過。不過有得 see-through 就有得睇住幾時好收手，唔洗次次食致癌多士！

4.    凍飲加石不加冰

熱石按摩大家聽得多，但凍的花崗岩石又有甚麼用途呢？其實用途和冰一樣，用來冷卻飲品，但加冰的飲品到最後，會被冰水稀釋變淡，凍的花崗岩石就沒有這個問題了。

5.    無痛壽司機

整壽司是一個痛苦的過程，先要擔心飲痴住手，又要擔心卷的時候會散開。有壽司機只須順序放入壽司飯和配料，壽司機就會擠出結實版壽司飯團，再卷上紫菜，靚靚壽司就完成了！

6.    搽硬牛油冇有怕

雪完的牛油磚咁硬，搽的時候確實有難度。不過刀背的設計令牛油切成一絲絲，搽起上來就更方便。

7.    自家製麥芝蛋

呢個係進階版的，但明白很多朋友仔會說，買一部可買幾百個麥芝蛋包。但見到打隻雞蛋放塊火腿加塊包，等 5 分鐘就有賣相 100 分的漢堡包，但對於廚房鬼見愁如小編而言，的確是個令人感動的發明。

原文連結:超方便！7 個新奇廚房「特技」工具

文章來源:Price.com.hk