2歲BB要收茶位引家長不滿　網民睇法兩極：幾時餐廳都要收茶錢？

食肆向BB收取茶位費引起爭議已非首次發生，近日再有網民於社交媒體群組發文，表示一家三口去屯門一間餐廳用膳，結帳時發現餐廳收取3人茶位費用，即2歲BB亦收茶位。帖文一出，旋即引起網民熱議！

事主於Facebook群組發文，直言「喺香港咁耐真係未聽過2歲BB都需要收茶位，總之以後都不會再幫襯！」而結帳期間，事主曾向收銀員詢問「2歲BB都要收茶位？」，對方強態度強硬並回應「係啊！」令事主甚為憤慨。

爭議之處：是否「酒樓」收茶位成關鍵！

事主於帖文只提及一家人到「餐廳」用膳，並未言明該「餐廳」是何種類型。有網友認為，酒樓及中菜館收茶位是常態，BB計人頭收茶位亦合理云云。

但有網友提出，若非酒樓卻收茶位便不合理，直指「餐廳收茶位？又會唔會開茶和加水！」、「其實點解啲餐廳要收茶錢？」及「進化到唔係茶樓都要收茶錢？」等，對於非酒樓之食肆應否收茶錢眾說紛紜。各位家長又有沒有類似經歷？