![](https://parentingheadline.com/image/catalog/201911/20191114/11021.png)
【長腿爸爸】點解人哋廁所唔臭?從廁所講一個地方嘅素質
BillyCool鍾意一家大細去旅行,有好多地方都想去,不過,無論去邊,有一樣嘢永遠都係最大考慮——廁所。唔好睇小呢個生活細節,我每次一提議去啲較落後嘅地方,老婆第一個反應係「啲廁所污唔污糟?」明嘅,女人每日花喺廁所嘅時間肯定比男人多,對廁所要求高少少都好合理。順理成章,老婆最鍾意都係去日本。
之前同老婆、阿囡去廣島食蠔,去到啲小店,BillyCool心諗間店仔咁細,個廁差啲都好合理啦,所以都無咩期望。點知一入去,個廁所雖然係細,但係超乾淨企理!去日本就係咁,啲細節每每令人心悅誠服。至於大型商場,多數廁所仲會有小朋友專用嘅廁格,size啱晒小朋友用,難怪啲一家大細去旅行嘅父母,咁鍾意帶小朋友去日本。酒店仲會用識發熱、有水洗pat pat嘅馬桶,都幾過癮。總括而言,日本廁所大部分都好乾淨同舒服,除咗經常有人清潔之外,最緊要係日本人有好高嘅公民質素,有公德心又有同理心,用嘢都盡量用得小心啲,唔會搞到一塌糊塗就走咗去。
不過你可能唔知,30幾年前嘅日本,公廁一啲都唔乾淨,仲因為欠缺管理而招致旅客惡評,到80年代,日本開始做廁所改善運動,由政府行政部門、企業、市民合作,透過宣傳、教育與改善工程,多年嚟嘅努力,先有今時今日世界首屈一指乾淨嘅日本廁所。
睇番香港,一般大型商場嘅廁所都好乾淨,有啲新商場仲幾有驚喜,好似K11 MUSEA,據聞成個商場入面嘅洗手間,每個都係由唔同設計師設計,真係夠心思。你可能會話,新商場廁所梗係乾淨啦,咁公廁呢?其實有一部分新公廁都好出色,好似北潭涌公廁原來有生物降解技術去淨化污物,大大減少臭味,呢啲設計都好值得同小朋友分享。
可惜,香港仲有好多仍然好臭好污糟嘅公廁,經過都唔想入去!更加唔人道嘅係政府外判制度,合約總係價低者得,被剝削嘅往往就係清潔工人,人工低而工作量大,之前仲有人發現有啲清潔工要匿喺一個勁臭嘅廁所食飯!如果俾外國旅客見到,又會點睇香港?文明真係唔係你口講就係,人哋都有眼睇有鼻聞……
一個廁所,其實包含好多道理,既然大小朋友都需要去廁所,不妨同小朋友討論下廁所背後嘅道理,刺激下佢哋對生活環境嘅睇法。
作者:長腿爸爸Billy Cool(Facebook專頁按此)
人稱工廈界Cool魔,十幾年前買入第一個工廈單位,賺到第一桶金,從此改變對財富嘅睇法:有生意當然要繼續做,但想賺大錢就要有準確嘅投資角度!
-
由香港精算扶輪社、Techbob Academy、國際青少年創科教育協會、香港理工大學專業及持續教育學院 STEM EdTech Lab、PRISTER Academy、Businesspro Service Limited、 Classroom主辦的國際青少年創科奧林匹克大賽2024,包括政府數字政策辦公室作為首席支持單位,油尖旺民政事務處、香港教育大學課...5 hour ago
-
麵包店就去得多,但麵包廠相信各位大小朋友都有滿滿好奇,多多美麵包西餅公司推出「參觀麵包廠+麵包及鮮果撻製作活動」,除了參觀麵包工場外,還可一睹麵包製作過程,小朋友更可親手自製麵包和鮮果撻,並有曲奇做手信,即睇活動詳情。1 day ago
-
第六屆「兒童書展 暨 超級親子用品展」(兒童書展)將於2024年9月27日至29日載譽而歸,今屆「兒童書展」首度以「兒童動漫卡通嘉年華」為主題,結合Dress Up、玩樂等精彩元素,為大人小朋友帶來愉快體驗!1 day ago
-
今個中秋,經典舞火龍盛會將全面升級,一連三晚(9月16至18日)擴大表演範圍、增設維園直播專區。到中秋夜(9月17日),旅發局更有首個中秋主題無人機表演,千架無人機會編織多幕中秋節慶場景。1 day ago
-
新學年剛開始,家長看到孩子適應新環境時表現穩定,原本以為可以放下心頭大石。可是,隨著開學幾週後,孩子對上學的態度卻突然從期待變為焦慮。這種現象可能讓家長感到困惑,甚至懷疑是否老師過於嚴厲或孩子在校園內遭到朋輩欺凌。但是,這些情況更可能是孩子對新環境持續地出現適應困難而來的表現。有學者稱這種現象為「蜜月期」(honeymoon)。2 day ago
-
各間直資及私立小學將陸續開放2025至26年度小一入學申請,另有學校舉辦入學簡介會及開放日,讓家長親身到校了解教學理念及環境等,即睇以下熱門的直資及私立小學小一入學申請日期,及入學日簡介會或開放日詳情,資訊將持續更新。2 day ago