【保險經紀】阿七:中環係我嘅天堂,亦係我嘅地獄……
「一切由騙局開始。」當有人問阿七點入行,我就會咁答。當年呢,唔知邊個阿叔個老闆個侄仔就喺保險公司做,話咩好好搵,做到好威咁,要build條全港最大嘅team咁話喎。
一入到去,就要你抄晒全家啲電話號碼出嚟,監住你逐個打去問候,之後就約出嚟飲下茶,之後大佬就會叫你執好建議書,夾住你出去見班鄉紳父老,講到你好上進又有心,實牙實齒一世喺度做,買份人壽啦,保障下屋企人;買份醫保,入院都唔驚;有小朋友就買份儲蓄保,總之咩都保一保。

每個人喺最初入行時,阿大佬都捧到上天咁,好似個個都係百年一遇嘅驚世奇才,不過當你sell晒班親戚之後,大佬就話:「你都見過我點sell啦,你大個仔啦,我信你架,以後你自己做啦!」
Umm,好啦,咁就好多人X街咗囉,無生意無數,自動消失,客同單留晒畀大佬,大佬愈來愈多客,收入愈來愈豐厚,好嘢呀!咁我阿七呢,好彩夠天真,我真係信自己係驚世奇才,咪不斷去搵新客,過時過節就打晒電話畀啲客噓寒問暖,得閒叫啲客介紹下客,又去下商會social下,咁就40年。
大堆客都係我一手一腳搵番嚟㗎,60歲嘅我終於月薪20萬啦!搵到錢嗰期,同得閒就同老婆去IFC國金軒飲松露龍蝦湯、食花膠海參、歎紅酒,透過塊落地玻璃窗望落中環,呢個就係我個中環,嗰一刻,中環簡直係天堂!
不過,原來下一刻,天堂係會變咗地獄!
就係嗰一年,公司被某本地富豪收購咗,富豪為咗做靚條數,一下子就迫走晒我哋呢班老鬼,保險單係帶唔走架!就係咁,公司食晒我啲客,仲有每月20萬嘅收入!計數真係計得盡,抵你做富豪!不過我40年嚟捱生做死嘅成果,咁就一下子無晒。
可能你話我都差唔多到退休年齡,但係衰在我遲婚遲生仔,我個仔先十幾歲,仲讀緊中學,老婆就一直係家庭主婦。阿七作為男人,只好硬住頭皮去搵另一間保險公司收留我,睇下點搵啲生意返嚟啦,真係好似求朋友收留咁,你又帶唔到啲單過嚟,又一把年紀,人哋都驚你係Old Seafood,邊敢亂咁招惹你呀!
中環呀中環,你係我嘅發跡地,亦係我嘅墮落之地!喺度跌低,就要喺度起返身,我係咁教我個仔!一切由零開始,點樣一個一個客咁儲返嚟?我阿七日後再慢慢講啦,順便同大家分享下有關保險嘅嘢。我又夠鐘去見客啦……
作者:小胖阿七
本地保險業界先驅,40年前入行的首批從業員,
-
美國前投資銀行家及作家John LeFevre今日(16日)於社交平台發文,自言患上「Grok機械人症候群」(Grok Bot Syndrome)。他指其AI員工有效率,而且可靠,亦會承受他的言語辱罵並即時改正。久而久之,他開始對身邊的人極不耐煩,也對無能的人「零容忍」。17 hour ago
-
澳門行政長官岑浩輝發表2027年施政報告,公布延續多項現金分享及惠民津貼措施,包括現金分享計劃、結婚津貼、出生津貼、育兒津貼計劃、2歲幼兒托費補助、醫療券、敬老金及養老金等等。17 hour ago
-
新一代兒童對電子產品並不陌生,「電子奶咀」更是不少家長在教養時採取的工具。保良局青少年事務部聯同香港教育大學幼兒教育學系進行最新調查研究,結果顯示近8成半受訪小學家長及7成受訪中學家長會以「電子產品時間」作為孩子完成功課或家務後的獎勵。3 day ago
-
香港迪士尼樂園即日起取消長者$100一日門票,改為正價門票兩折,變相向長者加價,新票制下的長者票價將介乎$133至$169,較以往劃一的100元收費多33至69元。本網訪問居住於新界區70歲譚女士,她表示不明白迪士尼為何向長者門票開刀,並透露聖誕節欲與子女到迪士尼共度佳節,惟現時子女「搵食艱難」,為了減輕子女經濟負擔,坦言「不去了!」4 day ago
-
小朋友的單純視角,往往最能看透成人世界的虛浮包裝。近日有家長分享一段真實對話,引發網民熱議,重新勾起大眾對「名片頭銜」與真實實力的討論。4 day ago
-
於12月11日至13日假亞博舉行的第十三屆「兒童書展 暨 超級親子用品展」(兒童書展),將以「ESG消費新世代教育展」為主題。適逢展期臨近聖誕,大會特意邀請了8間學校師生創作「環保聖誕樹」,將ESG永續觀念融入節日氣氛,讓家長與小朋友在玩樂之餘,不忘學習環保概念。4 day ago




































