2019-10-20, 週日

【出牙仔喇】新手爸媽必睇

BB 係爸爸媽媽嘅心肝寶貝,佢哋每個成長階段同身體變化,都對父母嚟講都相當緊要。就算係 BB 生出第一隻牙仔,都可以令爸媽興奮半日。但係 BB 出牙仔嘅過程中,難免會有啲不舒服嘅感覺,到底可以點幫助 BB 舒緩不舒服感覺?

20180205 8415 V01
BB 幾時開始出牙仔
每個BB都係獨立個體,幾時出牙仔都係因人而異。我哋只可以取其平均數。一般而言,BB 會在大約 6 個月大時開始出牙仔。但有些 BB 在一出生不久便長出牙齒來。直至小朋友兩歲半左右,所有乳齒都會全部長出來。

BB 出牙仔唔舒服
當 BB 準備出牙仔時,佢哋會覺得癢癢的,成日想搵啲嘢咬。有啲 BB 可能會感到有點疼痛,甚至有流口水現象。
20180205 8415 V02
舒緩出牙仔時的不適感覺
可以比 BB 飲少量凍水,咁樣可舒緩疼痛同不適感覺。都可嚐試給 BB 塗上一些專門為舒緩出牙仔不適時使用的啫喱,但要留意選擇適合 4 個月以上 BB 使用產品。另外,如果 BB 疼痛較嚴重,甚至出現流口水情況,那可向醫生求診,處方一些止痛藥給 BB 服用即可舒緩。

適現象通常會維持多久?
通常三數天已可舒緩。

幫 BB 清牙齒及口腔時注意地方
如果係初生 BB,媽咪可以先清潔乾淨自己對手,用蘸了清水嘅紗布幫 BB 清潔口腔即可。如果孩子年紀稍大,可給他們使用 BB 牙刷,目標並不一定要他們刷得乾淨,只是要讓他們定時刷牙,養成習慣。

20180205 8415 V03


此外,記得唔好比給 BB 養成飲用含糖份飲品嘅習慣。BB 最好都係飲用清水同奶,唔好過早比 BB 飲用含糖飲品,這對牙齒來說是一大敵人。若含糖食物或飲品停留在口腔太久,長出蛀牙的機會就會更大些。