【小編開箱】大部嘅先夠力？便攜式空氣清新機好唔好用？

空氣清新機一般好用嘅都好大部， 不過近幾年開始推出啲細部嘅款色，畀小朋友或上班族放係枱頭用。

Wynd近期就推出咗一部便攜試空氣清新機Air Purifier，體積除咗同水樽差唔多大外，更有號稱係麻省理工學院醫療級過濾網，可以阻隔99%微塵和細菌，另外每秒更可過濾8公升空氣！

體積同一卷廁紙差唔多，平日可以放係枱頭用。

（隨機配一個有夾，畀爸媽可以夾係BB車度用）

（除咗可以畀爸媽夾係BB車帶出街之外，仲有配有個空氣質素監察儀）

呢個空氣質素監察儀，小編覺得最過癮，佢配埋呢個手機免費App，就可以做到調節空氣淨化效能同實時監測身邊空氣情況。

可以係根據空氣狀況，係手機調節風速

嚟到呢個小編都好好奇嘅環節…小編本身屋企都係用開空氣清新機，放地下大大部嘅果種，因為好多人話呢類機先夠力，真係改善都空氣質素，所以小編今次試吓拎便攜式空氣清新機同一般機大型機做個簡易嘅小比較。今次小編用Wynd嘅空氣質素監察儀為準，試試兩分鐘內、兩部機所淨化嘅空氣數據有咩分別。

首先係小編屋企嘅Whirlpool空氣清新機試一試

所測出嘅數字，兩分鐘內下降咗22點

（左為原來空氣指數、右為結果）

之後就到Wynd嘅便攜式空氣清新機，係同一個位置同高度做測試

所測出嘅數字，兩分鐘內下降咗17點

（左為原來空氣指數、右為結果）

就咁睇，直立式空氣清新機始終係過濾得快啲，不過Wynd呢部機細細部，小編認為數字都唔差，出街時夾係BB車都幾好，起碼都可以隔走吓街邊廢氣同二手煙吖。

Wynd Air Purifier

iSQUARE分店

查詢電話： 2116 8376

其地分店地址
九龍尖沙咀彌敦道63號
iSQUARE國際廣場101-102號舖