【玩勻免費遊戲室】「小魚仙之家」鴨脷洲體育館

自港鐵南港島線通車後，宜家去南區比以前就腳得多﹗鴨脷洲體育館距離由利東站只係大約5分鐘腳程，非常方便啊﹗

遊戲室面積只有140平方米，空間唔算好大，而主題係「小魚仙」，即係同海洋有關，室內環境佈置都幾鮮豔，但似乎適合較細的小朋友玩。

遊戲室中間有個小攀爬設施，可以畀年紀較細嘅小朋友學習攀爬。

又有個泳池，小朋友可以喺到練吓水！

重點設施係呢幾條波浪，小朋友可以係上面又上又落咁跑嚟跑去，都幾爽㗎！

玩完之後覺得唔夠喉，體育館鄰近風之塔公園，有戶外設施，家長大可以帶小朋友過隔離玩到攰為止！

另外，體育館位置亦靠近街渡碼頭， 有古廟坐鎮附近，大家不妨去了解一下漁民文化，感受昔日漁村風貌！

想睇清楚遊戲室，呢度有360全景相片﹗

鴨脷洲體育館

主題：小魚仙

面積：140平方米

開放時間：早上9時至晚上8時（不包括下午2時至3時），每節時間50分鐘至1小時不等(詳情按此瀏覽)

賣點：

1. 鄰近碼頭，可之後乘街渡感受以往漁村風貌

2. 體育館旁邊已經係風之塔公園，既有草地，又有戶外遊戲設施，唔夠喉可以再玩過！

3. 公園內又有洪聖古廟又有燈塔，可以藉此了解鴨脷洲歷史