【玩勻免費遊戲室】「森林主題」大角咀兒童遊戲室

今次去嘅係主題係「森林」嘅大角咀市政大廈，距離最近的太子港鐵站要行10分鐘左右，另一邊奧海城港鐵站就要行13分鐘。

面積有292平方米，係全港最大室內兒童遊戲室之一，裡面有隧道有滑梯，小朋友淨係喺出面見到，排隊等入去都已經好興奮，逼不及待要入「森林」冒險！

每次入去之前記得要消毒雙手啊！

每節45分鐘，要排隊攞籌，只限25位小朋友進場，確保小朋友有廣闊空間跑動遊玩，更加可以畀家長同小朋友一齊喺地墊上同享親子樂！

個場地大到畀家長同小朋友喪玩都冇有怕啊！（當然要注意安全啦！）

小朋友你係咪推返個波畀大象同佢一齊玩呀？

呢度仲有360相片畀大家睇清楚環境，轉吓張相就得啦﹗

提提你，如果小朋友玩完之後意猶未盡，重可以帶佢落3樓嘅圖書館睇書添！

大角咀兒童遊戲室 

主題：「森林」

面積：292平方米，屬全港最大室內兒童遊戲室之一

開放時間：早上9時至晚上9時（不包括下午1時至2時），每節時間45分鐘

賣點：

1. 免費！只要排隊就有得玩！

2. 面積偌大，限制每節小朋友人數，確保小朋友有廣闊空間跑動遊玩

3. 親子互動空間充足，同享親子樂

4. 玩樂過後，小朋友意猶未盡，可到3樓的圖書館繼續閱讀圖書