【PN 媽推介】探索海洋世界遊戲室

今次黎嘅時間係平日，外面放咗幾排凳比等候入去玩嘅家長同小朋友坐，睇黎假日時都會比較多人。

玩前須知

當然都係分返一節節咁入玩，每日分咗10 個時段，平均每節45分鐘，入場人數係 40 個 (大人+小朋友)，去玩前建議可以睇咗時段先。

其實外面睇已經覺得好靚，成個場都好大，天花嘅燈都有心思，入到去就好似去咗個海洋世界入面一樣，唔單只小朋友好LIKE，真要大讚。

想知點去調景嶺兒童遊戲室一Click Google Map 話你知 

入到黎第一時間就係除鞋，鞋就放返喺一格格的鞋櫃入面，大人小朋友都一樣，呢個係可以培養小朋友將物件放於適當的位置。

講到除鞋，於上次大角咀的兒童遊戲室的短片中發現有家長無著襪，好唔衛生嘅問題，呢次特別睇真啲，入遊戲室前的「兒童遊戲室使用條件」上寫到明，要除鞋同著襪，大家都要好好遵守。

探索海底之旅 Part 1 

鯊魚、八爪魚、熱帶魚、水母，真係好多海洋生物。小朋友可以從認識海洋世界: 原來魚都有好多種！呢啲或者玩住學的好例子。

而黃紅色嘅潛水艇係標誌之一，又大又靚，小朋友仲走入去玩又得，扮揸潛水艇都得！

想知點去調景嶺兒童遊戲室一Click Google Map 話你知

呢條喺牆上的鯊魚都花咗唔少心思，身上利用咗唔同質感的物料，吸引小朋友去觸摸以外，更加係讓小朋友去感受唔同物料所帶來的不同觸感。

睇咗下圖你就知，真係有小朋友會好似探索一樣去會去觸摸呢條可愛嘅大鯊魚。咦！兩個捉咗魚嘅小朋友將條魚拎去邊呢？

探索海底洞穴 Part 2

到咗最左邊應該係一個海底洞穴，爬上爬落係指定動作。洞穴面有條通往出口嘅滑梯 (下圖左邊位置)。

透視一下入面有咩玩先!

原來是一系列的障礙物，小朋友要經過障礙物先可以行到滑梯的一邊先可以玩到滑梯，然後出返黎。

想知點去調景嶺兒童遊戲室一Click Google Map 話你知

留意，必須設施的所在位置

兒童遊戲室入面有個小朋友的洗手間，小朋友玩玩下突然話急時都唔洗撲黎撲咁搵，貼心又方便。但留意，小朋友去洗手間前記得要著返對鞋先好去。而呢個小朋友洗手間只係比小朋友入架咋，家長就要喺門口稍候片刻啦。

至於仲係用緊片要換片嘅小朋友點好？於大人洗手間內的更衣室一邊位置中，第2號更衣室內有換片板可用，今次開大開細都唔怕！

想知點去調景嶺兒童遊戲室一Click Google Map 話你知