【叔叔病發斬全家】幼姊為保護弟弟而斷雙手

事發係上週四，涵涵嘅叔叔鄧正峰，係當晚9點忽然持刀衝入房內，斬向自己侄子成成，而佢63歲嘅媽媽慕婆婆，亦為保護孫仔成成而被斬傷雙腳，其中一隻腳腳筋更被斬斷，但成成當時頭頸已被多處斬傷，右手手指亦被斬斷，涵涵見狀，即扑上前用雙手護住弟弟頭部，最終亦被鄧正峰斬斷雙手。幸而隔離鄰居聞訊而至，合力制服鄧正峰，隨後警方趕到現場將佢拘留。

鄧家人承認，鄧正峰精神的確有問題，多次出入合肥精病院接受治療，只不過之前每次病發都只係不吃不喝咁坐係度，未試過有暴力傾向，今次係第一次。

成成現時正於上海一間醫院嘅深切治療部搶救緊，目前已清醒，而涵涵則於合肥中西醫合醫院留醫，涵涵姑姑指，涵涵好堅強，傷勢咁嚴重都好少喊，仲成日問弟弟而家點，只係夜晚經常發惡夢驚醒，應該係俾當日慘劇嚇親。醫生指涵涵雖然雙手已接上，但未知恢復情況會點，好有可能會變殘疾。

但由於佢哋經濟狀況並不富裕，涵涵父母現時正為兩姐弟嘅醫療費而煩惱，慕婆婆為咗可以慳錢俾2個孫治療，目前只係鎮上鎮衞生院留醫。