【保衛地球】超人登陸校園 同學High爆

超人平日英勇擊退威脅地球安全嘅怪獸已經好忙碌，今次佢係百忙之中抽空都係為左同各位同學講「保衛地球，你我都做到」，雖然打怪獸對同學仔嚟講太危險，但我地都可以係日常生活中從環保同節省能源方面做起，同樣都可以保護到地球。

超人X仲即場視察天虹小學嘅魚菜共生系統，點解魚菜共生會咁環保呢，因為魚缸嘅水係經過消化池之後會再淨化，所以係唔需要換水，同時呢d水仲會經過菜架，提供埋養份比菜苗！而且學校仲會將小朋友食剩嘅食物放入廚餘機，製作魚糧，形成一個良好循環系統！

魚菜共生系統慳水、慳肥料、慳魚糧，難怪超人X都忍唔住大讚同學Well done。

最後超人X再呼籲同學要繼續努力透過環保嚟齊齊為地球出一分力！更送上小禮物鼓勵同學，超人X都好開心見到各位香港同學，佢會繼續阻止怪獸入侵地球，而保護地球嘅其他責任，就交比同學仔啦！