【順應民意】網民公開表揚學校改善功課問題

有網民於群組「不願小朋友成為功課奴隸」中，公開表揚一間小學，該校將下午時間用嚟比同學仔做功課，減輕家課負擔，增加親子時間！係邊一間先賣個關子，先睇下網民點講。

文章摘自網絡：

我當日都好5鐘意我個仔依間學校，因為外面D人成日話依間學校好怪獸，係上年一年級我日日喊，點解日日都11-15樣功課架，一見到D功課我就喊，又默書又單評又考試又測驗，電腦都讀5到咁多啦，何況係一個6歳嘅人仔呢，不過我地向學校反映問題，而校長居然真心聽我地講野，而我見到學校真係改變，而如果成績5好老師5會比壓力我地，仲要同我地講係我校考到70分已經好好，5好比壓力小朋友。

校長更同家長分享成果，改善措施實行後，有六成學生可以在校完成70%功課！更寄語家長善用放學時間，多同仔女進行親子活動，認真唔話得！

據報料人所指，呢間比人公開表揚嘅學校係順德聯誼總會李金小學，希望將來有更多學校可以聽取意見，以同學的快樂成長作最大優先考慮。

圖片：網絡