【終於去到！】飛去日本西松屋Shopping

無論是嬰幼兒用品、童裝、媽媽哺乳產品、BB車、玩具、床上用品、食品等生活百貨，想得到的都可在此找到。所以，不單吸引香港媽媽去「朝聖」，很多日本媽媽都常到此Shopping。

媽媽我最近就去北海道旅行，其中一個行程就係Plan去西松屋走一轉！

話說有一日行程係去小樽，而呢間西松屋就位於小樽運河附近不遠處(步行15分鐘左右就行就去)咁近城隍廟，當然去行下啦！

一去到西松屋的確非常興奮，呢間西松屋佔地超大、樓底超高！大量嬰幼兒衣物用品都整齊分類擺好。

終於去到傳說中嘅日本西松屋，現場真係好多選擇。

尤其因為時值冬季，大量冬天厚料衣物款式應有盡有、價錢雖然唔算好平但都唔係貴。

0-6個月嬰兒服系列

由於店舖樓底超高，所以BB衫都有掛到4、5層高，如果你想睇清楚最高層嘅衫仔，就要用果支白色嘅「丫叉」幫手喇！

北海道落緊雪喇，所以呢度好多小童雪褸。

連身衣夠保暖。

好多鞋！

全部都係鞋！

呢對幾型仔，售1,099日元。

毛毛鞋仔超得意，售999日元。

超多bb日常服選擇。

冷帽

熊仔冷帽超可愛，售999日元。

Mickey地墊，我好似見過淘寶有得買。

玩具車仔

 好多玩具

0-1歲嬰幼童玩具

孕婦用品及衣物

大量品牌乳墊，媽媽我用緊嘅日版Pigeon喺香港買最平要$98，呢度就879日元(約$65)

仲有西松屋好受歡迎嘅揹帶包被都做緊特價8折，好抵咁！

大量嬰幼兒副食品

不過細心揀選時就開始覺得有啲唔對路，愈睇愈失望，因為全店基本上有9成衣物都係中國製！即係唔係話中國製嘅就一定會爆、都唔係話中國製嘅就唔好，媽媽我自己其實都成日上網淘寶架，個人絕對唔介意用質地好嘅國產貨！之但係我山長水遠去到日本西松屋，就梗係想買返啲又平又靚嘅日本貨啦！即係正宗100% Made In Japan果啲呀！但我行勻全店，如果我無睇漏，幾乎就只得一件衫係寫住Made In Japan「日本製」，超罕有呀真係！最後我就梗係將佢帶咗返屋企啦！

最最最後留意返，去西松屋買嘢係冇得退稅架！

結果行完都唔係買咗好多嘢。

死都要買返件Made In Japan嘅衫仔！冇記錯係1,9xx日元(大約$150港幣)

對日本製的堅持！

全日本西松屋分店查詢網址：http://www.24028.jp/tenpo/list.php?cid=13