5個旅行必備實用 APP令你旅程零煩惱

去旅行見到不明白的外語總是令人頭痛，遇上拉丁字母都可以查查看，不過見到泰文、越南文、俄文等等的彎彎曲曲的文字， keyboard 都不知該打甚麼好，想查字典都難。Word Lens 其實是 Google Translate App 在 2015 年推出的新功能，只要在 App 中打開相機功能，將外文拍下，App 就會將文字部分轉換成你選擇的語言，現在 Word Lens 已能夠支援 27 種語言！

2. WiFi Map - 共享身邊 WiFi 密碼

旅行人生路不熟，就算買了旅行幾天的3G 上網咭，不但數據有限而且有時去遠一點的地方又收唔到。心想，有 WiFi 該有多好，不過大多數 WiFi 都需要密碼，見到連唔到，望到都心痛。WiFi Map Pro 搜羅了各地 200 萬個 WiFi 密碼，只要打開 GPS，就能搜尋到附近有那些 WiFi spot，重點是連密碼！當然集互聯網大眾之力，沒有甚麼不可能，所以如果你知道那裡有 WiFi 和密碼，記住和 App 分享！

3. Splitwise - AA制記數大師

去旅行是對友情的一大考驗，講到錢銀處理得唔好就難免傷感情。旅程中總會有些時候 A 君會「出住先，之後大家再計」，不過你又出住先、佢又出住先，條數都幾難計。Splitwise可以幫你記低整個 trip的洗費，你俾幾多，差人幾多都幫你記埋，仲要會發送 reminder溫馨提醒你的朋友「咪走數呀！」，收數就無咁老尷啦！

4. EatWith - 餐桌上交友

覺唔覺阿媽煮野食好正，想同其他人炫耀一下？EatWith是一個網上平台，讓各地的屋企廚神與旅客或其他陌生人相遇的地方。食客只需要先選定地點和想試的菜式，再訂位，然後赴約，三步就是這麼簡單。網站會明碼實價寫明價錢，當然還有不同的食客與你一同進餐，交朋友從餐桌開始！

5. Currency - 匯率計算機

親身經歷，小編去越南下下幾百萬拎出街，fyi $10 蚊港紙宜家大約等於 $287,884越南盾，食個法包都要廿幾萬，點計呀師兄！Currency可以設定多國貨幣，只要查詢一個貨幣匯率，都能夠檢視其他已選定貨幣的匯價。左上角還有匯率更新時間，通常零點幾秒會更新一次！