【$38蠟筆衫、公主裙】工廈平價靚料演出服飾店

唔怕，今次介紹呢間工廈店就可以畀你平平哋買套靚款甚至支援閃燈功能嘅Halloween Dress，仔女肯定可以「艷壓全場」！

個人認為最抵買又最可愛的一定是此BB款蠟筆造型，超特價$38一套。

店主仲話Halloween完咗之後，蠟筆衫可以當睡袋用添呀！即係唔止節日玩一次咁浪費，超正！

如果想親子裝去影相都得架，因為有Size分，蠟筆造型除咗有BB Size、小童Size，另有成人版本。

除咗「一支蠟筆」造型外，另有「一盒蠟筆」造型，都係百幾蚊一件。

最初以為呢間店啲衫都係平價淘寶貨，因為全店服飾全部都只售數十至百多元而已。然而向店主查詢之下才發現全店的服飾以平價出售是因為她在相熟的廠房直接取貨，所有貨品均是出口外地，例如英國、以色列等地區的正版授權貨品。

最新返的Anna公主服超靚，都係百幾蚊貨仔咋！仲有好幾款Elsa裙，長短袖都有！店主說公主裙系列的確很受媽媽歡迎。

小女孩最愛嘅婚妙禮服，連頭紗及手花一套，都係$38！留意返，裙下擺設有綱圈，穿上身後，裙下擺會有立體感。38蚊等囡囡扮下靚，氹到個囡開心，我覺得好抵！

呢款Light Up Ocean Fairy有翼仔、條裙又有閃燈，一套都係$85！抵到爆！

成人呎吋的Lace Skirt有3色選擇，Cosplay必買，$50條咋！

全店多達400款以上不同造型嘅服飾，由小女孩最愛的公主服、男孩最愛的超人衫都有。

至於適合成人穿著的各種主題服飾都應有盡用，店主更稱定期引入不同的新款服飾。

店主說很多喜歡玩Costume的外藉人士都會來幫襯她，因為她的服飾選擇多、價錢平！

件漢堡包衫嘅Printing真係好立體好靚，好似架！都係百幾蚊咋！

罐裝可口可樂造型衫都係得到正版授權的服飾，堅架，都係百多元！

多款新返恐怖面具，售價由數十元起。

 「恐怖熱狗﹞及「恐怖香蕉」造型超搞笑！

由於萬聖節將至，近日店主就引入大量萬聖節造型服飾，其中支援閃燈功能的服飾就最受小朋友歡迎，店主稱：「好多媽咪都專登買來比小朋友參加學校嘅Halloween活動架！」

閃燈Halloween Dress連配件一套，售價$148。

呢套連帽的閃燈Halloween Dress又係$148。

新貨品護士服，超可愛，小袋內更有醫生玩具！質地仲幾好添架！

店內服飾最吸引人之處在於採用正版靚料之餘，定價亦不離地，超親民！很多媽媽都覺得與其用幾十蚊買品質沒保證的淘寶貨，倒不如在此買正版出口靚料演出服，起碼此處有呎碼選擇，也可以即場試穿，試啱先買！

KACVINS COSTUME

地址：葵涌葵昌路26-38號豪華工業大廈15/F C3室

營業時間：星期一至五11:00至19:00、星期六11:00至14:00