【BB展戰利品】贈品、抵買品全面睇

抵買貨品一覽：

今次小編就買了孕期產後不同階段的產品，全部都比平時街買平好多，好似孕期產品「樂活枕」就以六折發售，原價$399，折後只售$239，比起平日在百貨公司特價還要抵。而NUK蒸氣奶煲亦是抵買項目之一，原價$780蚊展場特價只需$380就買得到，此款更是德國製造，相當有保證。

至於韓國Sinbii Hipseat揹帶2.0版亦由原價$1,690減至$1,088(首50位，其後售$1,188)；1.0版就更便宜只需$788(首30位)就可以買到。雖然同事H話有團購的話有機會$800-900就買到2.0版，但有齊所有顏色，又可以即場取走，也算十分抵買。

另外，幼兒玩具如圖中的搖控及車匙，亦售價將近5折發售，只需幾十蚊就買到，小朋友就最喜歡。而外貎非常美觀的嬰兒用品品牌suavinēx的奶咀及配件，則以優惠價發售；玩具清潔劑特價$41就有一支；有機意粉$16就有一包，而BB果蓉亦只售$5；韓國粟米餐具7折發售，圖中砧板折後約$70，可以用來專切小朋友的食物。

贈品逐件睇：

大部禮品都是用Coupon加奉上個人資料即可拎走，小部分是購物的贈品或是加錢換購。

更多免費贈品，可參考小編的媽媽朋友之戰利品曬冷圖。

玩具車是join NOW服務計劃免費送的禮品，好強勁。

美素佳兒送贈的「Rice Magic自家牛牛用餐套裝」及美贊臣送的口水肩都好靚。而牛欄牌免費送贈的Minimoto全綿吸水大浴巾及惠氏S-26入會禮物NUK雙格碗連湯匙套裝就超實用。

以上是媽媽群組流傳的一幅超實用免費贈品地圖，準備到場媽媽們入場前必睇！

至於排隊換禮品攻略，即睇以下Tips啦！

Aptamil
攤位：A14
憑Coupon去Aptamil A14排隊登場即送VTECH Baby Tablet學習機一部，是今次BB展主打禮品，但因禮品極吸引，現場超多媽媽排隊，閒閒地排隊個半小時或以上。另因主辦單位首天安排混亂，現場有部分媽媽排了2小時原來排錯隊，極無奈！
Tips：建議早上立即排隊換。
抵排隊度：*****

牛欄牌
攤位：A15
網上預先登記資料會有快證不用排隊換禮品，禮品是免費送贈的Minimoto全綿吸水大浴巾，質地超好。
Tips：即使要現場排隊亦值得。
抵排隊度：*****

美素佳兒Friso
攤位︰A07
網上登記或現場即時登記會送贈的「Rice Magic自家牛牛用餐套裝」；登記聽講座會有牛牛Cushion被，每日設有多個時段講座，先到先得；玩遊戲送牛牛杯。
Tips：留意若是懷孕媽媽可不用排隊，直接快取牛牛餐具。
抵排隊度：****

美贊臣
攤位︰A06
登記入會即送限量版natures purest「天然彩棉」口水肩極靚，另有換片墊、紗巾及食物盒。首天現場設有快隊，不用Coupon排隊讓工作人員拍照並登記電話及電郵即可免費獲贈實用食物剪刀。
Tips：現場設有多條隊伍換不同的禮品，建議問清楚先排。
抵排隊度：***

惠氏
攤位︰A09
惠氏媽媽會登記入會再加Coupon即送8粒裝DHA。惠氏S26網上登記或即場Coupon排隊即送NUK食物盒。另排隊玩遊戲送牛牛飯兜，30秒內完成遊戲另送一年JOOX VIP服務。
Tips：拿取NUK食物盒後記得拎遊戲券再排隊玩遊戲。
抵排隊度：****