【新開張】東京迪士尼新酒店平價搶客

不過，迪士尼主題樂園酒店的入住價向來偏貴，想住一晚主題夢幻房間，唔係人人都捨得。東京迪士尼現有三家主題酒店，第四家全新的Tokyo Disney Celebration Hotel就剛於上月開幕，好消息是此酒店以平價招徠！

這間新開的迪士尼酒店Tokyo Disney Celebration Hotel，設有Wish(心願館)及Discover(探索館)，前者已經啟用，而Discover館則預計於今年秋季提供服務。

剛剛入住了此酒店的Bella媽媽稱：「酒店都ok good架！不過就要搭15分鐘Shuttele Bus先去到樂園，相比起其他果幾間迪士尼酒店就遠啲，但價錢就差一倍呀。」

可以喺咁夢幻嘅環境入面玩，小朋友就最開心喇！

房間都好新淨、好闊落架！

留意返，房間內嘅梳化超大，將兩張推埋擺，就可以變身成一張大床。

入住此酒店亦可享用多項獨家禮遇，如享有入園保證，當園區因人潮眾多而實施入園管制時，住宿遊客仍可憑當日的有效園區票券進入園區。住宿遊客可於開園前 15 分鐘進入園區部分區域，搶先一步體驗遊樂設施或享受購物時光。住宿遊客亦可選購東京迪士尼度假區的「特別連日護照」，自使用票券的第一天起自由往返東京迪士尼樂園與東京迪士尼海洋，玩晒兩個唔同主題嘅園區！

Bella媽媽指：「入住呢間酒店仲有一個好處，就係可以幫你預訂迪士尼樂園入面嘅餐廳，因為樂園有啲餐廳係可以一邊睇Show一邊食飯。平時係要自己上網用日文登記訂位，如果唔識日文就唔知點訂。但如果係呢間酒店住客，只要同reception講，佢地就會幫你搞掂，好方便！」

價錢方面，預訂Tokyo Disney Celebration Hotel的4人房一晚，價錢由23,000日圓起，相比其他三家迪士尼酒店約50,000日圓一晚，平超過一倍！

照片來源：Tokyo Disney Celebration Hotel官網、讀者提供