【矯枉過正？】幼稚園生寫字要執到正

網上群組「不願小朋友成為功課奴隸」有網民發文指自己的兩兒先後入讀東區一間受歡迎幼稚園，表示K2開始要寫簡單生字，例如「人」、「大」、「天」等，而幼稚園則教小朋友以好似寫毛筆般的寫法來寫。結果大仔上到小學之後，寫法不被接受，需要立即修正。可是細仔已經入讀該校，再次被迫學著這種寫法，雖然已經跟老師說過，老師亦說學校明白，只是仍堅持要這樣教，只好待孩子升小後再改。

家長亦指自己曾與校長反映這種教法銜接不到小學, 竟然說: 「我地學校四十幾年都係咁教, 唔會改, 小學還小學教, 我地學校就係咁教」完全唔聽家長意見, 連教育局都已電話及電郵通知，不可以這樣教小朋友寫字，覺得學校誤人子弟。.

不少家長網民留言，表示學校做法吹毛求疵、矯枉過正，亦有指與時代脫節，唔知各位家長又點睇呢？

網民發帖全文如下：

代po

校名：XX幼稚園

用毛筆方法教寫硬筆, 寫中文字要有腳, 大部分幼稚園由K2開始便寫簡單0既字, 例如「人」、「大」、「天」, 此幼稚園教寫這些字最後筆劃是一捺, 還有一節位, 好似寫毛筆咁, 請問大家幼稚園是這樣教嗎?
我不是中文什麼專家或書法家, 我知道中文有很多字體, 但毛筆及硬筆寫法應有些不同, 我不想爭辯字體對與錯, 我只知道從小教錯很難糾正, 因為我大仔是讀這間幼稚園, 升上小一後原來沒有一間小學是接受此種寫法, 如默書也會當錯, 要立即改回正常一筆過的寫法, 可惜我細仔已入讀此間幼稚園, 又再次學了這種寫法, 跟老師說這種寫法升小學是不正確的, 老師說學校明白, 但堅持要教字的結構, 還暗示在評估及功課中也要跟此寫法, 老師說只好升小後再改正, 應很快可適應, 跟校長再反映這種教法是銜接不到小學, 竟然說: 「我地學校四十幾年都係咁教, 唔會改, 小學還小學教, 我地學校就係咁教」完全唔聽家長意見, 教育局已電話及電郵通知唔可以咁教小朋友寫字, 真係唔知點監管課程? 簡直係誤人子弟!!