非凡音樂劇之旅｜李紫昕Purple姐姐全新合家歡音樂劇圓滿落幕　Show後道出其「非凡體驗」

兒歌天后李紫昕(Purple姐姐)嘅全新合家歡音樂劇《非凡音樂劇之旅》於早前圓滿落幕，全場座無虛席，完場後觀眾也依依不捨，大叫Purple姐姐加油，快D好番呀，場面感動。

Purple表示 : 「今次音樂劇特式喺寫自己嘅心路歷程，喺娛樂圈嘅故事，例如喺電視台、電台及攪劇團嘅日子，真人真事改編，如有類同實屬巧合，劇中呈現咗不少集體回憶，例如我創作嘅「皆大歡喜」及過往兒歌頒獎禮嘅歌曲，當中有提及過對我好重要嘅人物，我嘅恩師鍾景輝(King Sir)，他喺劇中也唱咗一首「King Of Drama」並播出以往嘅片段，現場反應非常熱烈，大家覺得King Sir雖然無喺現場，但他喺此劇嘅藝術總監及總導演，也有擔任聲音導航，見証整個音樂劇，俾咗我無限支持，實在非常感恩，雖然 King Sir已退休隱居幕後，但依然為劇壇發光發熱，一定要向King Sir致敬 ; 另外，今次也向經典音樂劇致敬，唱咗一首經典音樂劇嘅Medley包括有 Phantom of the opera 、孤星淚、仙樂飄飄處處聞，大展歌藝，因為好少一次過唱咁多首經典音樂劇歌曲，現場觀眾非常驚喜 。」

其實今次在開Show前，Purple姐姐身體抱恙。「因為今次喺開Show前病得好緊要，之前喺台上同現場觀眾講，打咗5支類固醇以助開聲，好多小朋友聽到好驚訝，之後也問老師，打咁多針咪好痛？有些觀眾也見到自己手上的瘀痕，完場合照時，家長們也送上慰問，亦有好多小朋友也送上不同心意如糖果、膠布等以示關心，令自己大為感動，也深深體會到健康嘅重要，完全感受到喺整個過程中嘅非凡體驗。」