網絡熱話｜港媽抱BB疑遭的士司機拒載憤而公審　網民：上咗車都要人落車咁衰

的士司機拒載和揀客事件時有發生，近日就有一個媽媽於社交平台群組發文，指自己「帶住BB」遭短途拒載，更甚者，是司機不在開車前言明，而是半路中途叫她下車，令事主憤而公審司機。

拍攝司機證可否成功投訴？

該媽媽於帖文寫道「（司機）短途拒載，上車前唔講，去到半路中途叫我落車，我仲要帶住bb…」她附上的士內籠的清晰相片，帖文隨即引起網民留言及轉發。不少網民支持事主，認為司機「上咗車都要人落車咁衰」、「霸氣先係，唔旨（志）在你呢D（啲）錢」及提議要「投訴害群之馬！」等。的士記分制本年9月實施，其中「拒載」是記分項目之一，有網民認為事主有清晰相片及拍到司機證理應可投訴，但亦有人認為事後才投訴不一定成功，為何當時不直接報警云云。

片面之詞難判斷？網民一個發現認為非作故仔

但亦有網民表示單憑事主片面之詞難以判斷誰對誰錯，既可能是「老作」、又問事主本來要去的目的地是哪裡；但亦有「心水清」網民留意到相中拍攝到的士落旗收費是HK$29，估計事主是近期拍攝，不一定炒作舊聞或「作嘢」，唯事主沒有再留言回覆。