車婉婉囝囝BBQ人生第一次正式比賽落敗　Q媽媽：自我修復能力也不錯

日前，車婉婉在社交平台分享，囝囝BBQ經歷了人生第一次正式的比賽。雖然BBQ沒有得到任何獎項，但他並沒有如其他落敗的小朋友般哭起來，還對媽媽說：「我哋唔洗喊㗎！下次努力啲就可以啦！」此刻，車婉婉覺得囝囝的「自我修復」能力也真是不錯。

車婉婉囝囝BBQ日前參加了鋼琴比賽，經歷了人生第一次正式的比賽。Q MaMa除了表示刺激，又令她大開眼界。因為共有32位小朋友參加，她覺得大家做得好好，見到其他小朋友彈得好好，Q MaMa真的好感動。當叫排第27的BBQ先生出場時，她當然亦有點感動。「佢好認真，但係都真係緊張，好多嘢都似乎忘記了⋯」

Q MaMa又表示：「BBQ有兩位同學仔同佢一齊比賽，一個得季軍一個得冠軍。BBQ先生替佢哋非常高興，大力鼓掌之餘，心知自己表現失準，難免有點失落⋯ 走出會場時，佢見到有位小朋友哭得好利害(厲害)， MaMa都擔心佢頂唔順，喊埋一份⋯ 點知，佢同MaMa講：『我哋唔洗喊㗎！下次努力啲就可以啦！』此刻，Q MaMa 真正學習到BBQ的自我修復能力也很是不錯。「希望他這次的經驗會令他對自己更加認真，而且明白到成功路上是包括好多心血和努力，而MaMa是會一直陪伴同支持他的。加油呀仔！MaMa都加油！」