【家長必睇】5個放風箏熱點推介

秋天終於到啦，天氣愈來愈涼，又是時候帶小朋友親親大自然，又去野餐咁無新意? 去放風箏係個唔錯嘅假日消遣，不過香港咁多高樓，唔係咁多地方適宜放風箏，以下呢個地點包你無投訴：

大坳門

大坳門位於清水灣郊野公園內，地勢空曠，不止有觀景台、燒烤場，仲有大草地，可以一邊放風爭一路野餐。大坳門最出名，除了燒烤，就是放風箏啦。

交通前往方法：

方法一：將軍澳港鐵站乘103M號小巴
方法二：寶琳港鐵站乘16號小巴
方法三：鑽石山港鐵站乘91號巴士
以上三個方法在大坳門迴旋處下車，沿指示往清水灣郊野公園，步行20分鐘

大埔海濱公園
大埔海濱公園佔地約22公頃，係康樂及文化事務署轄下最大嘅公園。提供多項體育設施，風箏放飛區、模型船水池、花海 等等並設有昆蟲屋和多個主題花園，

交通前往方法

市民前往大埔海濱公園，可乘坐九巴72A、73、73X、75X、271、275R、74K、75K、71K或71S號巴士，
或選乘K17號港鐵接駁巴士，也可由大埔墟港鐵站出發，步行30分鐘。

龍蝦灣
清水灣大坳門之外，龍蝦灣係另一個政府許可以風箏場。因為位置較難搵，所以去親呢到係啲放風箏高手，亦都係露營勝地




交通前往方法：
巴士 91 號 鑽石山鐵路站 - 清水灣(下洋下車)
小巴 103 號 觀塘碼頭 - 清水灣二灘(下洋下車)
小巴 16 號 寶琳鐵路站 - 布袋澳(下洋下車)

塔門

塔門山頂係放風箏同露營熱點，雖然路途比較遠，但擁有一大片草地，唔理吹東風定北風都好容易將風箏放得又高又遠。是放 風箏 的好地方，仲係露營嘅熱點。

交通前往方法：
西貢巴士總站乘94號巴士到黃石碼頭，轉乘街渡前往
大學站乘街渡(每日只有2班，8am及3pm)

大尾督
大美督水霸長年當風，好適合放風箏同踩單車。想放風箏嘅遊客可往水霸盡頭走，人流會比較少，方便放大型風箏。

前往方法
交通：
路線 - 港鐵大埔墟站乘搭巴士 75K 至總站下車，步行 15 分鐘
路線 - 港鐵大埔墟站乘搭小巴 20C 至總站下車，步行 15 分鐘

資料來源: